|
كيف اميز الناقه الزينه من الشينه السلام عليكم ورحمة الله وبركاته اعزائي انا ماعندي خلفيه كبيره عن الابل بشكل عام لكن هذا سؤال موجه لاهل الخبره والمعرفه ابي اعرف وشلون اميز الزينه من الشينه ؟ كم كيس شعير اوعلف تاكله الناقه يوميا ؟ اسعار الابل العاديه كم تتراوح تقريبا هل يوجد معلومات وكتب عن الابل وتربيتها؟؟ تقبل أطيب تحية أخوكم |
مرحبا بك لو اختصرت الاسئلة افضل لك وللقاري عذرآ لاتفسر مشاركتي غلط والمقصد لتعم الفايده للجميع اخوك بندر البقمي ..........ابو مطر |
الاخ تركي لو تصفحت كل اقسام المنتدى لوجدت الاجابات الكافيه ارجو زيارة الاقسام التاليه مهرجانات منتديات مزاين عيادة مزاين البيطريه سوق مزاين |
مع الاخ عيد المنصوري |
1انصحك بأن تلازم قريب منك عنده خبره جيده وتستفيد منه 2 احضر المزاينات والاسواق وشاهد الفائزه والمسموله 3تصفح المنتدى واطلع على مافيه 4اسأل اهل الخبره عما اشكل عليك 5 اصبر وتركد فأن الطريق امامك طويل بأذن الله سوف تلاحظ التطور في نظرك بشهادة الاخرين |
أخوي تركي افضل مرجع وموقع للجواب على سؤالك الأول فقط هو هذا الموقع الذي يحتوي على ارا اهل خبرة وممارسة لهذال المجال فمثل ما قالك لأخ طالب وبقية الأخوة وهو تصفح هذا المنتدى وأقسامه وسوف تلقى الجواب الشافي بإذن الله |
ان شا الله عز وجل |
ياتركي أحفظ وصية أبو راشد وأهم شيء أركد ولاتستعجل والله يوفقك ويعينك .. |
انا الحين سألتكم ولا احد جاوب على اسألتي الله يجزاكم خير |
السلام عليكم : انا مع اخوي... مع اخوي طالب المري بالراي وشكرا... |
وبالنسبه للزين مثل ما قالو الاخوان تابع المنتدي وتابع الاسواق الخارجيه وسأل اهل الخبره والناقه قدامك وخلهم يفصلون الناقه وزينه وشينها لك بالنسبه للناقه تاكل من 5 الي عشره كيلو شعير باليوم يشبعها والأبل مالها سعر معين لانها مهي صنعه ومسعره لكل ناقه مميزات وانت شوف السوم بس العاديه ما تتعدا 15 اللف ريال . وبالنسبه للتربيه المنتدي هني الاخوان ما خلو شي ما قالوه عن الناقه وهذا القسم اخوي تقدر تسأل عن الي تبي من غير احراج وعن اي شي تبيه خاص الابل وبالعكس يا تركي الاخوان اطلبو منك مراجعة الاقسام لان كل الي تبي موجود وانت ما حددت الي تبيه وانحنو هني نشجعك لأحياء هذا الموروث ونعينك بالي تبي وما انقصر وياك بالي نعرفه |
اما وجهة ونظري , تردد يوميا للسوق لمده شهرين وسوف تستفيد خبره وتستطيع ادارتها |
و عليكم السلام ورحمة الله وبركاته الأخ تركي لا تغيب عن حراج الأبل تبي تتعلم أشياء كثيرة منه و لاتستعجل. أبو عبداللطيف |
خلك على قنات الواحة وبتعرف بعدين |
من وجهة نظري ولا يهون الاخوان (اقن البل عطايا الله تعلمك) |
| الساعة الآن 48 : 10 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |