كيف تجهيز شعرة الناقة للمزاين
 

السلام عليكم ورحمة الله وبركاته

كيف الحال يالربع ويهنيكم الحيا ياهل النعيرية فال خير انشالله والي جاي اكثر
عندي استفسار ياخواني عن الجلال
انا راعي عمانيات والحين وقت مزاينات كثيرة ولنا انشالله نية فيها ان الله راد لكن السوال عن الجلال هل يفيد شعرة الناقة لان الي اعرفه ان الجلال يزين شعرة المجهم ويعطيها لون سواد اكثر لكن في العمانيات هل هو مفيد
لاني حطيته ايام الصيف عليها ولا حظت انه الناقة الشقرا تقلب عليه اغمق يعني تصير حمرا والحمرا تصير صفرا او خمرية هل هذا صحيح
ابا اسئل مجرب
انا مقبل على مزاينات وابي حل لشعرة الناقة اتعدل وتزين
يعني ياليت تعطوني خطوات امشي عليها
واسمحولي على لاطالة

الله يوفقك وفالك التوفيق

أخوي عبدالعزيز ..
أنا ماعندي معلومات كثيره وخصوصاً الجلال ماقد جربناه على حلالنا لاكن من باب المشاركة بالرأي أقول ..
البرسيم تزين معه وبرة الناقة

تحياتي

عليك بالجلال المتين

والسبوح فالشهر مره اما صباح ولا مساء واحذر منه فالشتاء

وفيه شامبو تسخدمه فالسبحه ماقبل المزاين وهو شامبو العبايات الأجمر

القت مهم كذلك

واذا بيحصل للناقه المشاركه حليب البل الزايد فلا بأس

والله يوفق الجميع

الاخ طالب ما خلا شي انقوله

أنا أضم صوتي لصوت طالب

والله ولي التوفيق

مساكم الله بالخير جميع
مرحبا يامحمد ولاهنت طال عمرك على المرور وفالك وفال الاخوان انشالله التوفيق
مرحبا يالعطاوي وشكرا وتقبل تحياتي لمرورك
هلا يابن شرية الله لايهينك ولايهينه طالب معودنا
ارحب يابوراشد كفيت ووفيت يامحلفي وبيض الله وجهك الا بغيت اسئلك الشامبو وش اسمه بالضبط ؟؟
مرحبا يابن سنيد التوفيق للجميع انشالله الله لايهينك على المرور
وبيض الله وجيهكم اخواني
بس هذا موب معناته اكتفيت ...لا نبغي مشاركات
وتسلمون على المرور

اجابه للاخ عبدالعزيز المحمد وللاخوه عامه

الشامو هو شامبو البراقع

الشامبو الاحمر

وتجده عند العطار (الحواج)

الله يوفقك وفالك التوفيق

بسم الله الرحمن الرحيم
الاخ عبدالعزيز الاخوان كل واحد ادلا بدلوه وماقصرو
احب اضيف بعض النواقص التي لم يتطرقون لها اخواني
1=يجب ان لاتنسى تعطي المطيه ابره فتمين مركب شامل
2=اعطاءها ابره الجرب الامريكيه او الفرنسيه القديمه الي الان برازيليه
3=ابعاد الناقه قدر المستطاع عن البحر حيث الرطوبه لها الدور الرئيسي في قلب اللون مسافه 100 وأكثر
4=قبل المزاين بيوم او يومين سبحها بشمبو الخيل خاص للخيل تجده عندالصيديليات البيطريه
5= انتبه بعض مياه المزارع كبريتيه تجنبها وتعرفها من ريحه الماء القويه
6=كما ذكرو لك الاخوان الجلال الكامل= والبرسيم لمده شهر=تسبيح شهري=
واتمنا مانسينا شيئ وان حصل الخوان هل الخبره ماهم بمقصرين بيشاركون

اخوي انا حسب ما اعرف ان النخاله تزين وبر الابل

السلام عليكم بخصوص الرطوبه ما تأثر على وبره العمانيه على عكس المجهم كما ان هناك شامبو للإبل ستجده في العيادات البيطريه و المكعبات و كذلك الفيتامينات الموجوده في العيادات البطريه كلها مفيده

نواف العازمي
تسلم على المرور

لاهنت يابندر والله يوفق الجميع

مرحبا ومسهلا مرحبا يبومطر
لاهنت ولاهانوا الربع كلهم كلن باسمه
وتسلمون على كل حال
ومنكم انتعلم وبيض الله وجيهكم وانت بالاخص يابومطر
وناخذ بالاعتبار نصائحكم وعسى من الله التوفيق