وش الحل
 

السلام عليكم ورحمة الله وبركاته,,
صبحكم الله بالخير ياشباب , ابي الله لايهينكم حل لأنتفاخ بطن الناقة بشكل زايد عن الطبيعي بحيث من شافها ظنها مدني, علما ان اكلها طيب وبالها زين

الاخ فهد
الناقه اذا اكلت زين لمده ينتفخ بطنها ثم يروح ويكبر سنامها
والله اعلم

مع الاخ فيصل بن مرخان

جزاك الله خير اخوي فيصل على تجاوبك
طريت السنام وذكرتني ان سنامها مايل فهل هذا له علاقة بانتفاخ بطنها

الله يستر عليها يا فهد
وان شاء الله ما تصير مثل ناقة عندي هذا العام
حيث اصيبت بوضع مشابه بما يقارب من الشهر وهي بهذه الحاله انتفاخ غير طبيعي مع الاجناب لدرجة انها كانت حايل وسنامها متر وانهصر نتيجة الانتفاخ وتمدد البطن مع الاجناب ودمنها كان يصغر كل يوم عن الاخر لدرجة اني شككت في ان لديها مشكلة في الهضم ولا تخرج واعطيتها من العلاجات ما يساعدها على سرعة الهضم ولكن والحمد لله على ما كتب ماتت الناقه
ويوم فتحت بطنها طلع منها مياه كثيره جدا ما يقارب من عبوة نصف البرميل او يزيد
وقد قال لي احد الاخوان اللي صارت له نفس الحادثه ان احد قصبانها ( مصرانها ) قد يكون مثقوب والسبب يرجع لقطع البلاستيك الصغيره جدا التي قد تاكلها النياق من جراء تواجد بعض عبوات المياه المنثوره في البر وتعبث البل بمضغها

اسئل الله ان يرفع الضر عن ناقتك ويفرج لها

وتقبلوا تحياتي

الاخ عيد.... شكرا للمرور والتعليق
الاخ عبدالرحمن....الله يجزاك خير ويخلف عليك بأبرك من ناقتك اللي راحت وانا تحت الله وبين يديه ان الله فكها فالحمدلله وان ماتت فالله يخلف

[QUOTE=فهد بن عبداللطيف بن شديًد;58501]السلام عليكم ورحمة الله وبركاته,,
صبحكم الله بالخير ياشباب , ابي الله لايهينكم حل لأنتفاخ بطن الناقة بشكل زايد عن الطبيعي بحيث من شافها ظنها مدني, علما ان اكلها طيب وبالها زين[/QUOTE
حياك الله اخوي فهد انا عندي نفس الحاله بالظبط وعطيتها ابره جرب وهيام وخف الانتفاخ ورجعت طبيعيه

الله يحييك اخوي مبارك وتسلم على الوصفة