|
استفسار عن السعودي !!!!!!؟ السلام عليكم ورحمة الله وبركاته ,,,,, يا أخوان لدي استفسار عن الفحل الذي يطلق عليه {{ السعودي }} !!!؟ حبذا من كان لديه معلومات او صور للفحل المذكور بأن لايبخل علينا ... ونكون له من الشاكرين وتقبلوا تحياتي ,,, |
تحيه الاخ خالد السيف وعليكم السلام ورحمة الله وبركاته بالنسبه للفحل المسمى بالسعودي فكثير اي يطلق على كل فحل عليه وسم الحكومه بالسعودي يعني عليه ويسم ال سعود مثل الناس الحين كثير تلقى اسامي بعاريينهم عليان وطافحان ورمان وكلن يسمي على كيفه فيه بعير عند ولي العهد الامير سلطان حفظه الله يقاله السعودي واظن ان ساسه من العزيزي اخوك عبدالله بن مطلق المزحمي |
الأخ العزيز / عبدالله بن مطلق المزحمي المحترم أشكرك مرورك وتوضيحك الوافي وللعلم أخي العزيز عُـرض علي قعود للبيع , وهو أوضح وسنه حق وسئلته وش ساسه قال ابوه السعودي وامه مبيوعه على واحد من الأمراء بمبلغ 500 او 400 الف , فحبيت اعرف وش هو السعودي او وش ساسه , وهذه كل السالفه . ولك مني جزيل الشكر على مرورك , وجزاك الله خير وتقبل تحياتي ,,, |
السعودي اصله من ابل خشم العان السبيعي وهو ملك للامير فيصل ابن سعود الكبير ومات عنده وانتاجه فاخر وبيعت بكره عليه 800000الف ريال سنها حقه عند ابن شحيني السبيعي وقد عرضت قعود عليه ايضن لبن شحيني طيب وفاخر وهناك اسماء كثيره للسعودي منها عليان عند العونه ويطلق عليه ايضن السعودي بس المشهور اللي ذكرته بلأول ارجو اني افدتك |
الأخ القدير / عيد الميزاني بيّـض الله وجهك ولا قصرت وعلمك غانم ، ووفيت وكفيت ويكفي مرورك الكريم وتقبل تحياتي لشخصك الكريم ,,, |
السلام عليكم ورحمة الله . السعودي بعير بادي بن وديد المرشدي العتيبي وهو ولد عليان ابن زربول من فحول العونه وله انتاج طيب وفيه قعود شراه احد الامراء ب 450,000 العام الماضي حق لكن الخبر اللي سمعته غير سار ان البعير انكسر |
الأخ العزيز / فهد العجمي المحترم بيّـض الله وجهك بالدنيا والآخره وأشكر مرورك الكريم وتوضيحك بما تجود به بنيّـتك المعرفيه والله لايحرمك الأجر وجزاك الله خير |
وعليكم السلام لااملــك معلومات كافية عن السعودي وامــل ان يفيدوك الربع |
| الساعة الآن 51 : 11 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |