|
الناقة الي منسد رحمها وش الحل فيها مساكم الله بالخير , يالربع عندي ناقة غالية العامة خلفة وتوني فاردن ولدها للركض ومن اول الوقت وانا امرحها للركاب لكن مافيه فايدة وسبق اني قطعت منها صيد ودايما ميسر والزمول تبيها بشكل غير طبيعي وقبل شهر ادخل عليها الطبيب وقال هذه متسكرة يمكن انها معشر وخليتها شهر وانها تبرك للفحل وتهدر وفيها يسرة المهم ادخل عليها رجال بصير وقال فيها لحم متراكم ومسكر وفتحها بعود خشب ومرحها للبعير وبعد ماقاك البعير منها لقا دم وراح ودخل عليها بعد اسبوع ولقاه متسكر وفتحه والحين يبي يمرحها وش رايكم وش السواة |
حياك الله عبدالعزيز بالنسبه للناقه فهي وصخه والناقه الي يطلع من حياها دم ( فهو خراج طالع على الرحم ) وينفقع اذا ضربها البعير ويطلع من حياها ماده سائله وعليها دم ويرجع يتسكر مع ايام عدتها لاكن ممكن يضر بذكر البعير ضرابها وهي وصخه ) علاجه ( يقول البعض عليك تشريح الخراج بموس داخل الرحم ) والبعض يغسلها بأستمرار لغيات ما تنضف والأدخال عليها ( تمر + سمن + مسمار ) افضل من الحبوب لهذي الحاله ولا حليها هالسنه والسنه الجايه بأذن لله تكون انضفت . واتمني ان اكون أفدتك |
هلا يامحمد يعطيك العافية بس الناقة يقول الرجال باني على الرحم من داخل لحم يتسكر ويفتحه هذي ثاني مرة يفتح خلال عشر ايام |
اخوي عبد العزيز مافي لحم يطلع على الرحم غير الخراج ويسكر فتحت عنق الرحم ومع الضراب يخرج اما لحم والكلام هذا خلك منه وهذي ماهي حاله غريبه ان جرب نضفها وضربها ودخل معليها مثل ما قلتلك وان شاء الله يرزقك الله |
أرحب يا عبدالعزيز من واقع تجربه شخصية .. حصل معي نفس اللي حصل معك ودها لجامعة الملك فيصل بالحساء وهم اللي بيعالجونها بإذن الله وللعلم .. العملية بسيطه جداً .. وعن طريق المنطار ويتم علاجها بنفس اليوم .. وهي بالدنه ولا تعرض للفحل قبل مرور 14 يوم بالتوفيق |
| الساعة الآن 38 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |