|
في ذمّتي ما يخلف الوقت ذمّه................... السلام عليكم .. صلوا على النبي في ذمتي ما يخلف الوقت ذمه = ولا يقلل ذمة الوافي اخلاف وش للزمن يا لايمه من مهمه = غير احتماله عيبنا فوق الاكتاف ماهيب هالدنيا ولو هي مغمه = سر الوجود اصعب وبالبيت نطّاف ولاهيب لاشبعة ولا زود نعمه = كان ارتحلنا من المدن صوب الارياف وكان اجتمعنا اخوان ونعود لمه = لقمه تكفينا على سد الاشفاف اسباب الازمه خافيه بين الأمه = يلعب بها الفتـّان ما بين الاطراف من كثر خوفه وارتباكه وهمه = تقرا لبو وجهين في وجهه اوصاف وجهٍ لما لاقاك وان جيت يمه = ووجهٍ لتوديعك مع الباب منعاف واقناع مونه لا بغى منك خدمه = لون الخجل لما انخدم جاك شفاف يالله عسى اللي لقــّنوه المهمّه = عدوان فيما بينهم ماهم احلاف واللي ظلمني جعل ربي يغمه = ويلقى على غمه من الذل ما عاف وعواصف الدنيا تجيه وتخمه = وجزاه من فعله يجي عشرة اضعاف ما دام ما له بأول الوقت ذمّة = واتلا الليالي صار كاذب وحلاّف وسلامتكم [/poet] |
الله الله صح لسااانك يا ابو حمدان جزلة ورائعة لاهنت يا بعدي أخوك |
صح لسانك يا ابو حمدان اسباب الازمه خافيه بين الامه ===يلعب بها الفتان ما بين الاطراف ابوحمدان وكما تعلم هناك شعر ممتع ورقيق ولاشي غير ذلك وهناك شعر وتامل وموقف وفلسفه وقصيدتك هذه يا ابا حمدان اعتبرها قصيده تفلسفيه جمعت شعر الشعراء وفلسفة المتفلسفين ولك بابي حيان التو حيدي قدوه لا فض فوك ورغم انف حاسدوك |
الله الله صح لسااانك يا ابو حمدان جزلة ورائعة لاهنت يا بعدي |
استاذي واخي خالد السبيعي .. صح الله بدنك يالغالي .. شرف لي ولقصائدي حضورك الدائم .. لاخلا ولا عدم .. تقبل تحياتي وتقديري .. اخوك سعد |
سعد قافٍ سمين صح لسانك ولاهنت موفق |
صح لسانك اخوي سعد واستمر واحنا لك متابعين دمت بود وسلمت يمينك |
صح لسانك اخوي000000000000000000000حمدان الله يعطيك العافيه |
|
وعليكم السلام ورحمه الله وبركاته اخوى سعد؛ كل عام وانت ومن تحب بالف خير عـــيـــــدك مــــــبـــــارك وصح لسانك لاهـــــنت قصيده جزله |
صح لسانك وكل عام وانت بخير وصحة وسلامة |
| الساعة الآن 21 : 03 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |