ش حل الضعف
 

ياشباب فيه رجال عنده ابل وطعامها زين يعطيها شعير وسنابل وبرسيم

عنده ثلاث خلفات بطونها كبار ولاكن مافيها شحم مستدقه ماادري وش حلها يالربع الله لايهينكم

يمكن فيها دود الدود مايخليها تشحم والخلفات بعضها يضعف من الحلب راعيها يحلب والحوار يرضع وسلامتك

السلام عليكم لو يضربها ابره جرب وابره هيام سيلاحظ تحسن حالتها بعد اسبوعين

أخوي طلال سؤال ؟ وش دخل أبرة الهيام والجرب ؟ لان عندي لقيه نفس كلام الاخ سالم أطعمها البرسيم عند رأسها ومكعب الغدير مخلوط مع شعير عشاء ولا فاد معها .

ابره الجرب وابره الهيام تقتل الفطريات في الدم وفي المعده وفي كل شي قد يكون فيها دود او فطريات هذي بالنسبه للبكره القيه الى عند اخونا ناصر العاطفي
اما الخلفات اذا كان اكلها زين وكما ذكرت ان بطونها كبار ( بدان ) فاعتقد ان ما هناك مشكله لان الخلفات تضعف مع الحليب .
وتقبلوا فائق احترامي

غالبا اذا كانت الناقة بطنها كبير ولابه سنام فاحتمال كبير انه دود

واحتمال اخر انه راجع لتركيب وخلقة الناقة

الله لايهينكم يالربع جميع وماقصرتو واسف على التاخير

اما بالنسبه لاخوي مسعود العماري البل سمان من اول انا شايفها ولاكن كما ذكرتو انا كنت متوقع انه دود او من الرضاعه بس الشي اللي يخليني اشك فيها ان راعيها مايحلبها ابد ومخلي لبنها لحيرانها ولافيها شمايل الخلفات عنده واجد ولاهوب في حاجت بعضها

هل السبب الرضاعه او الدوود ؟؟؟؟؟

اذا كان الدود وش احسن ابره لها ومفعولها سريع ؟؟؟

واذا كان الرضاعه وش الحل ؟؟؟

الله لايهينكم

اخوي سالم انت قلت البل ما تحلب ولكن قلت ان البل هجال على حيرانها وهذى الطامه اللي تسل حال الناقه لان الحليب يكون في اوقات محدده اما الرضاع كانها تحلب 24ساعه والحل الشماله والشماله يترتب عليها اشياء ثانيه ةهو تحديد وقت البهال اي فك الشماله للحوار تغيير الشماله بشكل دوري وكذلك حليب اللبن الزايد على الحوار.

وشكرآ.

الاخوان ماقصروا ,,

ابرة الجرب دواء لقتل الدود و فقدان الشهيه و الجرب والقرع وكل الامراض الجلديه


انا مجرب الابره اسمها ( اوفميك ) ونافع باذن الله ,,,

اما للضعف اذا البل بهال طبيعي انها تضعف

وشكراا,, وتقبل مروري اخووي

عطاك العلم ابن مرعي

ابرة جرب وابرة هيام وزيادة الطعام هو الحل الوحيد

لاهنتو جميع وبيض الله وجيهكم ولاهان ابن مرعي والاخوان كلهم ماقصرو

مع ابن مرعي
وانا عندي ناقه كان سنامها فوقها كبير جدا ولما ولدت والناقه نحوس يعني عجور ولاحد يقدر يحلبها الى واحد يعرف يلعب كرتيل او جودو ، وابهلتها على بنتها ولاحظت انها كل يوم ينزل السنام وهي اكلها ممتاز وبدين الناقه و اوضاعها كلها عال العال .