شعر الناقة يحت
 

الأخ الغالي أبو أحمد " عيد المنصوري "
السلام عليكم ورحمة الله وبركاته

أنا عندي ناقة يحت شعرها بكثره عند اللمس يعني أول ما أبدأ أمسح على رقبتها يحت الشعر .. سؤالي هذا هو القرع أو بداية أو أنه تبديل الوبر مع الصيف؟ وجزاكم الله ألف خير ولا يهون الجميع .

كيف حالك اخوي احمد

هاذي قمله ولازم انك تسبحها وتضيف مع الماء سم وإذا عندك اكثر من ناقه

سبحها كلها لان القمله إذا شفته في ناقه وحده في المراح فاعرف ان الابل

كلها فيها وعليك غسيلها كلها وسلامتك

ـــــــــــــــــــــــــــــــــــــــــــــ

الاخ الغالي احمد الفلاح
كن الود نجاوبك بس خصيت
ابو احمد في السؤال والنعم في عيد المنصوري بيعطيك الدواء
و لاقصور في البقيه الذين آيضآ اكفاء من الناحيه الخبره والتخصص
ياليت ولاعليك آمر في المره القادمه لاتخص حتى الاعضاء والمشرفين
يتفاعلون معك في مشاركاتك مهما كانت
مشكور على رحابه صدرك

أخوي محمد .. ألف شكر على تفاعلك السريع مع سؤالي .. والله يجزاك بالخير .

أخوي الغالي أبو مطر .. السلام عليكم .. ألف شكر على ملحظتك وعلى خشمي طلبك .. وأنا والله ما أشك في أحد وأنقص في أحد لا سمح الله .

وجعل من جابوك للجنة والجميع .

مرحبا اخوي احمد

بالنسبة للحالة اللي ذكرت فطبيعيه

حيث يحت الوبر مع الصيف

ولا داعي للجره وخصوصا مع الحر الشديد تكون قاتله

واذا كان ولابد فتكون مخففة وترش المطيه مع وقت العصر

وفي انتظار رأي ابو احمد

أخوي مسعود .. ألف شكر على مرورك وعلى رايك وعلى راسي .

الاخ احمد الفلاح يوجد لدي ملاحظة القرع مايجي الا الحشوان فقط اللبل الكبار مايجيها قرع وسلامتك
واعتقد انة طبيعي لان هذا موسم ان الغزل يحت من اللبل

أخوي خالد .. السلام عليكم .. بيض الله وجهك والله لا يخسر علينا جميع . ومشكور على مرورك .

الحاله طبيعيه مع حرارة الجوهذه الأيام

مشكور أخوي ناصر وبيض الله وجهك .

انا مع كلام الاخ خالد العرجاني

أخوي الغالي سامر .. السلام عليكم .. مشكور على مرورك وجزاك الله ألف خير .

الاخ احمد
ودي اسالك سؤال واحد

وش طعام ابلك؟
اذا الجواب مكعب الدمام ترى الوضع طبيعي لان فيه كثير من الناس يطعمون المكعب الدمام ويقولون ان وبر ابلهم حت بشكل ماهو طبيعي الى درجه ان بعضهم قال انه جرب
والشيبان يقولون لهم لالا هذا ماهو جرب
وبعدين جاهم ناس وقالو لهم هذا من المكعب (مكعب الدمام) وغيروه ويقولون ان المشكله انحلت ورجعت البل طبيعيه ولا عاد حت وبر شي

اما انا اطعم ابلي مكعب الدمام ولم الاحظ فيها شي يذكر مثل اللي تقول في ناقتك ولا اللي عند الربع

أخوي الغالي أبو علي شرفني مرورك .. أنا أطعم أبلي مهروس وبرسيم .. ولي نية من كثر ما سمعت عن الوافي أن أعطيهم أياه . لكن خايف أنه يجفف حليب الخلفات زي ما قيل لي . هل هذا صحيح ؟

ومشكور مرة ثانية على تشريفك .