سؤال مهم لاهنتوا
 

السلام عليكم ورحمة الله وبركاتة اخواني الاعزاء مساكم الله باالخير
وفي هذي الايام نرا اكثر الاخوان يجمعون ويشترون العشاير وذلك لتجهيزها
للأضراب هذا الزمان أذا الله احيانا وياكم ولاكن هنا السؤال كيف اعرف الناقة المنتجة
الي بطنتها طيبة والسؤال مطروح للجميع للفايدة وبيض الله وجيهكم ؟

والله هذا توفيق من الله نسئل الله العزيز الكريم ان يرزقنا بالانتاج الطيب وجميع المسلمين

مشكور اخوي سلطان لاكن هناك اكيد علامات تعرف بها الناقة المنتج
وانا من وجهت نظري افضل الناقة الطويلة الي جنبها وسيع وتكون اذانيها متلاقيه
وتكون سودا وجليله ويكون الراس كبير وننتظر ردود الاخوان

خالد انا من وجهت نظري ان الاصل اهم من الشكل بكثير

لذلك يجب معرفة اصل الناقة قبل مشتراها ويمكن الاستدلال على ذلك من الوسم

ويحذر المشتري من (( عشبة الدار أو المراح )) واللي يكون شكلها طيب وساسها ردي لانها قليل ما تنتج الا ان يشاء الله

وهذا بالطبع ينطبق ايضاً على الفحول

تحياتي للجميع

ارحب ياخالد
اولا التوكل على الله وسؤاله سبحانه انه يرزقك بالانتاج الطيب
ثانيا العمل بالاسباب والتي ذكرها اخوي مبارك

مرحبا يا خالد

انت تسأل عن العشاير اللي بطنتها طيبة

فتعرف من انتاجها السابق لانها عشرا وانتجت

فلا تحتاج كثير من الاجتهاد شف انتاجها واحكم


اما اللقايا والجذعات او اللي ما استالدت فمثل ما قال مبارك المري

ودمتم سالمين

الاخ خالد الاخوان ماقصروا عطوك الاجابات الوافيه
بس احب ازو د على كلام اخوي مسعود ولا مهونت فيه
شف انتاج النياق العشاير اذا كان انتاجه طيب او فوق الوسط من فحل ردي
بكذا بتعرف ان الناقه منتج أو لا
عذا للاخوان والاخ مسعود اذا حصل زله كتابه
هذا مالدي يابو وليد

بسم الله الرحمن الرحيم

الأخوان ما قصرو بالأجوبه

بالنسبه للعشره وكيف تعرف بطنها هذي مشكله واعتقد انه ما ينعرف

لانه انتاج الفحول تختلف عن بعض من ناقه الي ناقه وبطون النياق يختلف

قالو الأخوان تعرف من الواليد السابقه وترجع للفحول السابقه وانتاجها وتقارن فرق البطن

الأصل له دور والشكل له دور ولا دور اقوي من رجا الله

تقبل مروري

الاخ مبارك مشكور على مرورك الكريم السؤال اذا كانت مجهوله في سوق ولاينعرف اصلها

المرحب يحيا يا راشد والتوكل على الله هو المطلوب والباقي على الله
ومشكور على مرورك الغالي

الاخ مسعود مرحبابك ومشكور على التعليق الطيب

مرحبا بك يا ابو مطر والله لايهينك على مرورك الطيب

الاخ محمد بن شرية بيض الله وجهك على تعليقك الكريم

أتفق مع مبارك المري ومسعود العماري
ومثل ما قال أخوي راشد المري
بعد التوكل على الله سبحانه وتعالى انه يرزقك بالانتاج الطيب

وسلامتك

الله يسلمك ومشكور فهد على مرورك