|
جعل يومي قبل يومها وتروها تسلم عليكم . إخوان وأخواتي السلام عليكم ورحمة الله العلم سلامتكم ،،، اليوم بعد الظهر وأنا جالس على الكمبيوتر في البيت جاتني أمي الغاليه الله يطول عمرها وللعلم هي ساكنه عندي في رمضان . وقالت ياولدي ويش تدقدق في ذا البليه .. ماتعرف الكمبيوتر كبيره سن 74 وسبعين سنه الله يعطيها الصحه .. المهم قلت لها هذا النداوي ومزاين وسئلتني ويش النداوي قلت كذا وكذا وشرحت لها هذولا نشاما ونشميات من الشعراء والشاعرات والأدباء والأديبات الى أخره .......... المهم شافت صورتي في المنتدى وصور بعض الاعضاء وأنا أقلب في المنتدى ،، وفجئه قالت لي ياولدي تقدر تكتب لي دعاء عندكم قلت أيه أبشري قالت دعائي لجميع المسلمين والمسلمات . الله أقبل صيامهم وقيامهم ، وأغفر لهم وأرحمهم ، وأجعلهم في هذا الشهر الكريم من عتقائك من النار أجمعين . اللهم : أرحم ميتهم ، وأشف مريضهم ، وزوج أيمهم ، وأرزق عقيمهم ، وأهد ظالهم ، وأحسن خاتمتهم . الله أنصر الإسلام والمسلمين ،،، وأحفظ المملكه من كل شر .... وأرحم المساكين في باكستان وكل أرض . وقالت هااااااااااااااااااااه كتبتها ،،،، قلت أيه قالت : وبيقرونها .. قلت إنشاء الله . قالت الله يقبل منا ومنهم ،،،،،،،، بس تكفى ياولدي قل لهم ،،،،،، لاينسوني من دعواتهم الله يوفقهم . وأنا أقول الهم أمين أمين أمين .. والله يحفك ويحسن خاتمتك يا أميمتي . ووالديكم أجمعين . هذا علمي وسلامتكم ،، وأعذرونا على الإطاله .. ودعتكم الله . |
الله يجازك خير ويخليلك عجيزك هى البركه كله |
امين وتري والله ها ذي امنا جمعين الله يحفظها ويحفظك من كل سواء ومكروه امين وتكفي قلها المنصوري يسلم عليت ويقبل راست ويطلب الدعاء له منت |
خالد المسعد هلا وغلا الله يبارك فيك ويقبل منا ومنك صالح الاعمال حفظك الله |
الغالي ابو شايع الله يجزاك خير ويجعله في ميزان حسناتك ومن أكرم نزل والديه يبشر بالثواب والجنة ان شاء الله والله يجزا عجوزنا بالخير ويرضى عليها ويحسن خاتمتنا وياها بكل خير والله يقبل منا ومنها ومنكم صالح الاعمال وعذرا على التأخير اسلم وبلغ السلام للوالدة أمانة .... قل من ولدها ذاك الرجال |
الغالي عبدالله بن شايع القحطاني الله يجزاك خير ويجعله في ميزان حسناتك ويخليلك عجيزك هى البركه كله والله يجزيك ويجزيها كل خير موفق |
الله يحفظ لك الوالده وعسى الله يطول بعمرها... الله أقبل صيامهم وقيامهم ، وأغفر لهم وأرحمهم ، وأجعلهم في هذا الشهر الكريم من عتقائك من النار أجمعين . اللهم : أرحم ميتهم ، وأشف مريضهم ، وزوج أيمهم ، وأرزق عقيمهم ، وأهد ظالهم ، وأحسن خاتمتهم . الله أنصر الإسلام والمسلمين ،،، وأحفظ المملكه من كل شر .... وأرحم المساكين في باكستان وكل أرض ويارب إنك تحفظ أم عبدالله من كل شر واطول بعمرها...وتحفظ جميع أمهات المسلمين... اللهم آآآآآآآآآآآآآمين سلم لي على أمك وحب لي رأسها.... وعســـــــــــــاك سالــــــــــــــــــــم وخيتك/ راعية الفزعه |
عبدالله بن شايع القحطاني الله يخليها لك ويجعلها في الجنة اللهم امين وجميع امهاتنا الطيبات اللي من الجيل الاول الصابر المحتسب امانه يا عبدالله ان تحب على راسها ويدها والله يوفقك الى ما تحب وترضى |
ومن العايدين ان شاء الله والله يخليها لك ويحسن خاتمتها وتقبل اطيب تحية |
| الساعة الآن 59 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |