صوره جديده للناقه الفريده
 

ماشاء الله تبارك الرحمن
ناقة ناهية وطيبه الله يبارك لهلها
ولاهنت يابوسنيد على العرض

تحياتي

&&&&&&&&&&&&&&&

يالربع الناقة وش سنها
الناقة عادية جدا
يعني ناقة انتاج اما المزاين ماهوب حولها في نظري ويمكن اني غلطان
نبي علومها
تسلمون
لاهنت ياحمد ترا هذا مجرد راي يحتمل الغلط ولا تاخذ في خاطرك
بس للفائدة نبي نتناقش فيها

الاخ عبدالعزيز الزين فارض نفسة وهذي الناقة الي تجمل راعيها لمنه طببها المزاين وناقة كايفة
وعزالله انها ناقة المزاين من دون اي تردد وانا استاذن من الاخ حمد بن سنيد على الرد لانه من غير فكري
رديت على سؤال الاخ عبدالعزيز من طيب ما شفتة على ذا المبروكة الله يبارك لهلها ويعديها العيون

ماشاء الله تبارك الرحمن
ناقة ناهية وطيبه الله يبارك لهلها
ولاهنت يابوسنيد على العرض

لاهنت ياحمد
على عرض صورة مخربه
وبالنسبه لتعليق الاخ عبد العزيز بان الناقه عايديه ولاتصلح للمزاينات فالناقه مشهور ولها انجازات في ام رقيبه المركز الثاني في شوط التحدي
وفي مزاين يام المركزالاول شوط التحدي ايضا
لاكن احيانا الصور تظلم الناقه وانا شفتها على الطبيعه والناقه ماتبي كلام وميزتها الكبر الهايل

الله لايهينك ياحمد طيب ولا تجيب إلا طيب

وأختلف مع الأخ عبدالعزيز في وجهات النظر لأن فيه مثل يقول
((( يدل على الخيل طول أثمانها )))
وإن كان مخربه مشتراهابإثنين مليون وتعتبر ناقه عاديه وناقة إنتاج فالله يرحمنا ياهل الأبل الباقيه
إللي مشتراها بعشرة وعشرين ألف وولا سومها


تحياتي للجميع

تسلم يا حمد على العرض الطيب
ومخربه ما فيها كلام ناقة تحدي وياسعد من يكون في مراحه مثل مخربه

مخربه ناقه مشهوره ولها انجازات في ام رقيبه المركز الثاني في شوط التحدي وفي مزاين يام المركزالاول في شوط التحدي
وعندي لها صور طيبه وإن شاء الله بعرضها في الموضوع بعد إذن أخوي حمد.

وسلامتكم

لله يبارك لراعيها

يامرحبا بك يالغالي

ولاهنت على المرور الطيب

يامرحبا ياخالد

والناقه مايلحقها كلام

ولاهنت على المرور يالغالي

الـنـاقـه كـبـيـره

امـا عـن قـولـك انـهـا للانـتـاج تـراهـا ((جـلـب)) يـعـنـي مـالـقـحـت ولاعـلـيـها انـتـاج


والـنـاقـه مـاراح تـلـقـى مـثـلـهـا فـي ((الـطـول)) ولا فـي ((كـبـر الـراس))

ولا فـي ((كـبـر الـخـف)) ولا فـي ((الـمـسـيـر))

وحـصـلـت عـلـى الـمـركـز الأول فـي مـزايـن يـام

وحـصـلـت عـلـى الـمـركـز الـثـانـي فـي مـزايـن أم رقـيـبـه

ومـن ابـل ابـا الـسـيـقـان ابـل مـعـروفـه ومـن سـاس طـيـب

وكـل شـخـص لـه راي وكـل شـخـص لـه ذوق

امـاعـن راي الـعـام ردوا عـلـيـك الـربـع كـلـهـم

وانـا مـسـتـغـرب انـك مـن عـشـاق الـبـل ولا تـعـرف ((مـخـربـه))

ولاهـنـت يـالـغـالـي عـلـى الـمـرور