|
قعود اوضح يالربع ؟ 4 مرفق السلام عليكم ورحمة الله وبركاتة عطوني رأيكم في القعود يا النداوية |
|
الله يطرح فيه البركه |
الله يطرح فيه البركه والقعود زين لاكن الاصل اهم الله يرزق راعية |
مرحباا يا نواف العقود ولا تزعل من راي هذا راي شخصي قد يختلف الكثير معي فيه القعود مافيه الي راسه وزين عادي ماهو زين مميز وارقبته طولها زين وفيها عجنه ماهي سناد الغارب ضيق والسنامه متقلط قدام وضهره اقشر وعرقوبه عادي وهذا قعود توه يلقى عمره قدام قد يزين وقد يشين لاكن على ضهره ما اضن يزين ويبي ياخذ جنب مع الوقت وعيزه يبي يكبر معه واصله مهم انا اشوف وسم الناجعه عليه وبعارينهم طيبه ان مدحته لك غشيتك وهذا راي شخصي ويمكن الأخوان افهم مني |
حياك الله يابوفهد القعود مادخل انظري يالغالي ان كان تبي شوري وانا اخوك لاتخسر على هالقعود اتعب شوي وتلقى اللي اخير منه ولاهوب حوله اسال الله سبحانه ان يوفقك يابوفهد في بيعاتك وشرياتك |
الله يبارك لك فيه اخووي |
تحيه الاخ نواف نسأل الله ان يبارك لنا ولك ولجميع المسلمين ودنا طال عمرك لو توضح وش غرضك من القعود عشان الاعضاء يعطونك الراي السديد ان شاء الله هل هو ____للمزاين اقصد تبغا تزاين فيه او للانتاج يعني تنتج منه او تهده في منايح وتبغا حليب وجزاك الله خير |
الله يعطيكم العافية جميع على آراءكم ووجهات النظر والمشاركات الطيبة بعد القعود سنه مع سهيل حق وأصل صحيح طيب من ابل الناجعه في الوادي وابوه الفحل رمان من ركاب سيدي سمو الأمير سلطان بن عبدالعزيز اطال الله عمره عند واحد من الربع وانا شاريه العام مفرود والقعود اصله معروف واعجبني فيه الراس ومثل ما تفضلوا الشباب عليه بعض الملاحظات لكن إن شاء الله بهده طامع في انتاجه والله يطرح البكره في حلال المسلمين |
نسأل الله ان يبارك لنا ولك ولجميع المسلمين |
ماشاء الله قعود طيب وخيره لقدام |
| الساعة الآن 01 : 05 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |