|
ياللي تسوم الوضح ......جديد عبدالله بن عون اخواني اعضاء منتدى مزاين السلام عليكم ورحمة الله وبركاته اليكم جديد الشاعر عبدالله بن عون .. امل ان يحوز على رضاكم ياللي تسوم الوضح ماهيب للبيـع=اللي يوسـع خاطـري لاتسومـه دور وتلقى البيع عنـد الطماميـع=اللي تصفـي كـل يـومٍ بيومـه ويش اتسلا بـه ليـال المرابيـع=لا نـاض بـراقٍ ثقـالٍ غيومـه لاقالوا الحاشي علـق فالطواليـع=والسيل عساسه عطانـا علومـه بين اهجر العجمان ومطير وسبيع=عشـبٍ تفتـق للعشايـر كمومـه عشبٍ يجيله فالمسـارب تناويـع=من قطف زملوقه ماهيب امحرومه نبـي نخليهـا تـذب المخاويـع=ونقدالها مقهورهـا فـي يمومـه من قصر ابن ملحم معش المجاويع=اللي تسابـق للفضيلـه عزومـه من سيرته فيه المدايـح مطاويـع=ومن يمدح الممدوح مااحدن يلومه للبال عنده كل ماضـاق توسيـع=الله يوسعلـه ويبـطـي بيـومـه يفدونه اللـي ماوراهـم مطاميـع=جندن طرايقهم ماهيب امهضومـه نوعيتن مامـن وراهـا منافيـع=تجار لاشـك اليديـن امحزومـه وضحٍ بعد مقياضهـا فالمشاريـع=ماشط من بعـد المعشـى تهومـه لاروحت مثـل البنـي المفاريـع=وعيالها خلف الرحول امحكومـه تنسف على ايسرها خشوم الترابيع=والعتش الاول تنزعج مع ثلومـه ناخذ من السجات معها قراطيـع=لين امهموم القلب تذهب همومـه تطرق عمايمنا هبـوب الذعاذيـع=ونلقى حياتٍ فالقصـور امعدومـه لاقربت صفـر الـدلال المهانيـع=وغدابهن لمخلط الكيـف عومـه في خايعٍ فيه الزبيـدي مصاليـع=والربل والملاُح كاسـن احزومـه هذا هوى بالي وبـاق المواضيـع=النفس عنـه مقيـده وامخزومـه والرابح اللي مدركن ذبت الريـع=وله سمعتٍ عند الرجال امحشومه |
طيب ولاتجيب الى طيب |
طيب ولاتجيب الى طيب |
ياسلامي على ابن عون صح السانه الله لايهينك اخي العزيز |
الله الله ياعبدالله اختيار رائع من شخص مبدع وصح لسان ابونايف على روعة القصيدة |
بيض الله وجهك ياعبدالله على النقل وصح لسان الشاعر الكبير ابن عون |
اختيار طيب ياعبدالله ويستاهل التميز , وصح الله لسان الشاعر الكبير عبدالله بن عون , والرابح اللي مدركن ذبت الريـع وله سمعتٍ عند الرجال امحشومه |
بيض الله وجهك ياعبدالله على النقل وصح لسان الشاعر الكبير ابن عون |
اقتباس:
يامرحبا يابن حويل ولا عليك زود |
اقتباس:
يا مرحبا ياحمد اسعدني مرورك |
اقتباس:
والله لايهينك على المرور |
اقتباس:
الرائع والله مرورك ياسعود |
اقتباس:
وووجهك ابيض يا محمد لا هــــــــنت على المرور |
اقتباس:
التميز والله في مرورك يا نـــــايف |
اقتباس:
وووجهك ابيض ياخالد لاهنت على المرور |
| الساعة الآن 31 : 01 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |