|
وافي , غدير, شعير,نخاله ضاعت الطاسه . . . . . . . . بسم الله الرحمن الرحيم السلام عليكم ورحمة الله وبركاته أخواني الكرام احترنا وكثر الكلام والقيل والقال ناس تمدح الشعير وناس تذمه وناس تمدح المكعبات وناس تذمها ظعنا في الطوشه بكل امانه ماهو افضل علف مع ذكر المميزات والعيوب بصراحه صارلي 3سنين اطعم الوافي بعد نصيحة اخ عزيز مااشوف فيه زود عيوبه كثرة لحم البل وكثافة الشعر ويظهر الخراريج فالبل الشعير زين للشعرة ولقلة اللحم وتحبة الناقة لاكن اكبر عيوبه ان البل ترجع لدمنها بكثره وكذلك ابل المكعب تعود على دمنها لاكن بصوره اخف بكثير عطونا رايكم ونصايحكم وخلاصة تجاربكم جزاكم الله خير |
الشعير المجروش مافي مثله الأبل تاكل دمنها ادا كان الشعير حبوب لاكن الشعير المجروش ينهضم اسهل وما يبان في دمنها ونتمنى لك التوفيق |
وعليكم السلام والله أنا معك اخوي يا خوي مرزوق البقمي أحترنا ياليت من لديه التجربه يقول لنا ولكم احترامي مشكور اخوي على هذا الطرح |
انا مجرب الشعير العادي حبوب الابل قامت تاكل دمنها لكن جربت العلف وجربت المخلوط السبوس ما عليه كلام بالنسبة للشعير له ميزة في تزيين شعرة الناقة انا معاك بس لازم تخلي الراعي يخم الدمن ولا تعطي الشعير الا لناقة المزاين حتى تعطيها الاهتمام الاكثر |
والله يالربع تاكل دمنها يوم نحط لها شعير وتاكله بعد يوم قطعناه عنها ولا اعرف وش السبب خصوصا بكار شريتهن قبل فتره اما باقى الابل فلا والله اشوي ماتاكله بس اعتقد ان البكار اللي انا شريتهن كان لاحقهن قل علف في السابق وانا اتعقد بان اهمال الراعي له اثر كبير فى هالشي خصوصا الابل اللي فى شبك ماتطلع منه وتقبلوا تحياتي. |
وعليكم السلام الشعير المجروش والمكعب الوافي خلط مافي احلى منها لاكن تخمه المجروش قويه مكعب الوافي قطعته وكنت مااطعم الاهو طبعا مع علف لاكن تركته ورحت لشعير والان اطعم الاثنين ................. البل تحتاج الى الياف وهو موجود في النخاله و الاعلاف الاخرى مثل الجت البرسم والتبن .....الخ والى طاقه وهو موجود في الشعير و الحبوب والى املاح وفيتامينات يعني لا بد من الجميع والوافي كلها فيه لا كن انصح بزيادة شعير له .... اكل الدمن الله يعزكم يسبب امراض خطيره وخساره في الطعام بسبب الدود الوافي ماشتكيت منه من ناحية الخراريج لاكن ممكن انك تعطي تبن معه والتبن هو الي يجيب الخراريج الشعير الحب ما أنصح فيه لان الحب ما ينهظم كله ويكون فيه خساره النخال حلو في اول القيض او اخره لانه يساعد سقوط الوبر وتجديده |
مع فيصل بن مرخان |
مرحبا مليون يامرزوق من جد كلنا احترنا في الاعلاف لاكن اتفق مع الاخوان فيصل وعيد الوافي والشعير الاسترالي المجروش مع البرسيم هذا افضل علف |
مع فيصل وعيد وانا اشوف كذا مع اني ما اطعم ابلي لا شعير ولا مكعب بس اعطي الفحول شعير وغيرها لا وباقي الابل على البرسيم الخضر ( والرودس) اذا توفر لها وغيرها ولاشي |
شوفو اخواني انا صارلي مده اعطي الإبل مكعب ,,, وقــآطع عنها الحشائش البرسيم والذره.. بس الرودس موفره لها وأشوف الإبل زانت عليه وزانت احوالها.. واستشرت بعض ملاك الإبل في الشعير وقالو الشعير للإبل يفضل تجرشه عشان ماترجع لدمنها. والله يباركلكم في حلآلكم.. تحيـــآتي.. |
| الساعة الآن 08 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |