النــــgggاميس القديمة
 

السلام عليكم ورحمة الله وبركاته
هذه قصيده في البل عسى ان تحوز على رضاكم

النواميس القديمه

من يبغض البل جعل رجله كساير
والا الحنش ليله خـمـيس نشلها

عند المداوي ماتســـر الجبــــــاير
تقطـع ويجعل له كـراع بدلهـــا

متشهبه خلفـــاته والعشــــــــاير
والا نـهار الورد عركـه نهلها

ياما حلى خلفاتهـــا بالضهـــــاير
ويزين شوف القاحها بمهملها

وان بكر الوسمي قد الحــول داير
غب المطر يازين زجره فحلها

تجــــاره اللي ماجعـــله تجـــــاير
هذي بلقحــها وهذي باملـــها

يازينها في القفر والصيــــــد ذاير
في خبة رعى الغنــــم مادلهــا

يرعونها اللي يطرحون العثـــــــاير
اللي نهار الكــون ترفا خملـهــا

البل ترها العـــــز وهي السفــــاير
وهي النواميــــس القديمة لأهلها

تحلب لضيــف في الخلا جاك سايــر
والجار يحلب له من الذود بلهــــا

فلامن نزل راعي البلد في العمـــاير
وإلا بحوش ريحته من قبلــهـــــا

ننزل بخشــم المندفن في الزبـــايــر
وإلأ بمقطع عرقها من جبلــــــها

شبــوبنا سمـــرن لضـوه عبـــــــــاير
وإلا بخالع يابـسن من عبلــــها

فلمـا ظــــــوانا طايــفن بالبشـــــــاير
وقال الهجـال مخربــاتن سهلهـا

نــوه لهم بالشــد من صبـح باكــــــــر
كبــير بــدو"ن" راح منها زملها

وأصبح كثير الظول والعج ثــــــــايـر
والبل تقود ورد منهـا جملــهــــا

وركبوا على طوعاتهـا بالشــهــــاير
وأهل الجمــال تشيل باقي ثقلها

ثم انتحوا مالحقهم كل ســــــــــــاير
بـدو"ن" لاعشوا تقازى شعـــلها

مع رملة"ن" مدهال سفع الغثـــــاير
ماتنعرف غظانها من أجملـــــــها

معا بني عم"ن" تحمل الخســـــــاير
ياميـة"ن" ماهي بتدرى زللهـــــــا

لطامة للشـره من قبل شـــــــــــايـر
وجلابة"ن" للروح من قبل اجلهـــــا

واحب عندي من معاش وتجـــــــــاير
لاشفت راعي الذود حشـــوه عزلهـا

في خايع"ن" غب المطــــر له جواهر
وظيفة واللــــــه ماأبغى بدلـــــــها

نسرح صلاة الصبح تو العشـــــــــاير
لاصيح الصيتي لـراعي عمـــــــلها

وأجزوا الين الصيف جاله حشــــــاير
ثم فرعــوا كل"ن" لدار"ن" دهــلها

ذيدانا منهــا الوبر قده طــــــــــــاير
وحيرانها تشدي لزمــت طفلهـــــا

وان وردت حشوانها والفطـــــــاير
ثم ورده الراعي تزايـــد جهلـــها

ميرادنـــــــا عد"ن" جمامه غزايــــر
وإن جاته اورود"ن" يهون زعلــها

نسقي على العلقــان محد"ن" بحــاير
ودلينــا بالجم تروي نهــــــلــــها

وان كملت مني فلا ني بـــــــــــــــاير
أحبــــها زود"ن" على حــب اهلها

وأنا أذكر اللـه عد ماطار طـــــــــــاير
واعداد مالصــــــيرفي من هللــها

الشــــــــــــــــــــــــــــــــاعر:

نـــــــــــــــــادر بن عشيـــــــو آل رشيد

صح لسان الشاعر ,, والله يعطيك العافيه ..


ومشكووووووووور ع النقل الرائع ...

صح لسان الشاعر ,, والله يعطيك العافيه

صح لسان الشاعر ,, والله يعطيك العافيه ..


ومشكووووووووور ع النقل الرائع

ارحبو يشرفني مروركم والله لايهينكم

صح لسان الشاعر ,, والله يعطيك العافيه ..


ومشكووووووووور ع النقل الرائع ...

صح لسان الشاعر ,, والله يعطيك العافيه ..


ومشكووووووووور ع النقل الرائع

صح لسان الشاعر ,, والله يعطيك العافيه ..

صح لسان الشاعر ,, والله يعطيك العافيه

الله يعافيكم جميع والله لايهينكم على المرور ويشرفني مروركم