|
الابل ومواقفها السلام عليكم ورحمة الله وبركاتة موضوعي اليوم عن هذا الحيوان الذي عشقة كثير من الناس وقد كتب عنه انه احقد حيوان نعم الحيوان بجميع انواعة في الطيب وفية الحقود كاالانسان لاكن عن الابل فمن المعروف بان الرحمة ماعرفت الا من هذا المخلوق واكيد انة صار مواقف مع اي شخص يملك ابل اكيد تعرض الى موقف احزنة اوموقف ضحك منة او موقف دمعت عيناه منة فارجوا من الاخوان من كان له موقف ان يذكرة لنا لكي من جهل او حاول ان ينقص من حقة يذكر بعض محاسنة او بعض مواقفة 00 اذكر لكم يااخواني موقف مر علي والله ابكاني من جد وكل ماذكرتة حزنت وهو : كان عندي ناقة احبها كثير بحيث ان انتاجها طيب وكذلك حليبها وايذا جيت وشافتني قامت تحن الين اجيها وكان عندها بكرة حقة نفس الطريقة تاتي اذا شافتني جيت والناقة هذي كان معها حوار اخ الحقة وتشوفة يرضع من امه ويبرك جنبها وصار اذا جت الحيران تلعب معه والله تطردهم وتاكلهم وفي يوم الناقة الكبيرة صابها مرض وحيزتها بعيد عن الابل مسافة كيلو والحشوا كان في شبك وكان الحوار ولدها يكسر الشبك ويدور امة وتلحقة اخته وبعد يومين ماتت الناقة وصكيت على الحوار واخته وصار الحوار يحن واختة بجنبة واذا ظهروا مع الابل اختة حارستة والحوار اذا صد من الابل راحت معه والله انة موقف يحزن وهذا يعلم على ان الابل عندها الرحمة وليست عدوانيه باالشكل الكبير الذي يتوقعة بعض الناس وسلامتكم |
سبحان الله سبحان الله سبحان الله |
صدقت ياخالد الجمل حقود بسبب و رحوم بطبعه لاهنت وبيض الله وجهك |
لاهنت وبيض الله وجهك اخوي خالد على الماضوع الطيب |
صدقت اخووي خالد ,, والله يعطيك الف عافيه .. وياكثر المواقف .. وبيض الله وجهك ..... |
يعطيك العافيه أخوي خالد وبيض الله وجهك على ذالموضوع أخذ السالفه ألي أبكت الشيبان ضاعت من عندنا ناقــة" طيييييــبه ماخض ويقومون الشيبان جدي وأبي الله يرحمهم وعمي وأخي الله يعطيهم طولة العمر ويروحون على سياره وحده صوب ديارها حول الحبل المهم أنهم تنشدو منها وعينوها قدها والد جايبة" بكـره وعقبه تعالو الربع يعني صار تنافس بين الشيبه وعياله قال الشيبه أيني لادعيها جات وهملت حوارها قالو عياله ماظنتي يابه منيفه وألد مهيب جايتك قال طييييب طيييييب رح ياصبي لناقـه إيذا تكلمت لها خالفها على حوارها ورغ الحوار قال أبـشر . وعقبه تكلم لها الشيبه يدعيها وخالفها الصبي على بنتها يرغي الحواره وقامت الناقه نصت الشيبه مدنقه براسها تقضـع إيليـن صك منحرها في منحره وعقبه تباكو الشيبان من الموقف ألي صــــار سبحـان الله العظـيم وسلامتكم |
لاهنت وبيض الله وجهك اخوي خالد على الموضوع الطيب |
فيه سالفة اخرى حصلت معي شخصياً وهي انني شريت ناقة من واحد من الربع وبعد فترة طويلة جانا راعي الناقة الاول وكانت الابل مجتمعة على العلف ومتراصة يعني صعب ان الناقة تشوف اللي حولها وكنا واقفين بمسافة ليست بالبسيطة من الابل ونسولف وفجأة رفعت الناقة راسها تقول كنها مضروبة بعصا وتوجهت الى راعيها مباشرة وهي تخلج (تحن) حتى وقفت جنبه مع العلم انه ماتكلم للناقة مجرد انها سمعت الصوت وعرفته |
محمد الجريري مشكور على مرورك |
علي البقمي مرحبابك وجهك ابيض واسعدني مرورك |
الاخ راشد المطيوعي هلا ومرحبا وشرفني مرورك |
الاخ سامر الحربي مرحبابك واكيد ان المواقف كثيرة |
بيض الله وجهكم على القصص المأثره اشكرك يا خالد على الموضوع |
مرحبابك ياسالم المحميد والله قصتك اقوا من قصتي هذي اللبل واسرارها الله يبارك فيك وبيض الله وجهك على رورك الطيب |
الاخ عيد المنصوري وجهك ابيض ومشكور على مرورك الكريم |
| الساعة الآن 49 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |