|
بعض مسميات الابل وارجوووو تفسيرها السلام عليكم ورحمة الله وبركاته بما انكم اهل الابل هل لي ان القى معاني المسميات الآتيه اذا ممكن العرااا -- ماهي الجنفاا -- ماهي الخواره -- ماهي الداربه --- ماهي الطرقاا -- ماهي الماخض -- ماهي الذهيبه -- ماهي والناقه المخورم -- ماهي وشكرااا |
مرحبابك اخوي وعن الماخض قبل والولاده بخمس ساعات او اربع تمخض وتولد اخوي وعلى الربع الباقي من الاسئله اخوي وبذن الله بيفيدونك |
حياك اخووي عبدالعزيز العازمي الخواره : الناقه الي تحلب حليب واجد .. الطرقا : الي يدها وهي تمشي تحذف بسب عقال وهي صغيره او غيره .. ان ماخانني التعبير .. الذهيبه : اي الناقه الضائعه او المفقوده .. والماخض ذكرها اخووي راشد الله يعطيه العافيه .. والباقي الاخوان بيفيدونا عنه ان شاء الله .. هذي المعاني حسب الدارج عندنا في منطقتنا ويمكن تختلف المسميات من منطقه الى اخرى ... |
حياك اخووي عبدالعزيز العازمي والناقه المخورم -- هي التي تقطع عصب الخويرم وقرب نتاجها والخويرم هو المكان الذي تنتصف فيها عكرت الذنب للمطية اخوك ابو ناصر |
مرحبا أخو عبدالعزيز أجابوا الاخوان وكفوا ووفوا بالنسبة للناقة العرا هي التي سنامها ما يروح فوق يعني يدبدب ويأخذ بالعرض وليس لفوق أخوك |
انا اقول العرااا __> اللي ماتسمن يعني هزيله طول السنه والجنفا __> اللي تمشي على جنب والخواره والرغايه__> هي الي ترغي ليا جيت تحلبها والداربه____> الموذي اللي تحتك بالشبوك وتكسر الشايك وحركتها واجد الطرقا __> اللي تجي يدها مصلبه ولاتثنيها كامله اذا جت تمشئ وفيه حذفه بالذراع الماخض __> هي اللي بتلد وبالعاده الماخض تروح وتغدي من عند اهلها الذهيبه___> المفقوده المخورم___> هي اخر مرحله من اللقا ويكون المنطقه اللي بجانبي الذنب كنها فيها مويه وهي عباره عن قرب الولاده |
اقتباس:
العرااا كما قالو الاخوان هي الناقه التي لا يبين عليها السمن ولا يرتفع سنامها للاعلى الجنفا هي اللي فيها جنفه (والجنفه هي تجويف للداخل في جنب الناقه او البعير وموقعها فوق الزور مبرك المطيه يعني تجويف مايقارب للكوع من الجنب فيه زياده ملحوظه) الخواره نوع من الابل الحمر تشتهر بكثرة اللبن وعدم تحمل البرد وقد يطلق لقب خواره على ما يحمل هاتين الصفتين الداربه وهي اللتي تعودت على طبع معين او تدريب معين وقد اصبح شيئا روتينيا عندها وما ان تبدا حتى تكمل على ماتعودت عليه وتشتهر في الهجن وماتدرب منها في الريسات وقد تطلق على ما تعود من الابل على طبع سيء الطرقاء هي التي في احد ايديها او كلاهما طرق وهو زياده ملحوظه في انثناء الركب للداخل وكذلك يطلق على اللين وهو منطقة الخف وتقدمه من المفصل الى الامام قليلا الماخض هي كما قالو الاخوان الناقه التي في بداية فتره الولاده وفترتها مابين بضع ساعات الى يومين او ثلاث ايام الذهيبه هي الضايعه والمفقوده وتطلق على الابل وغيرها من مايضيع من الممتلكات الناقه المخورم هي التي انقطع خويرمها كما قالو الاخوان وهذا دليل على قرب الولاده هذا حسب معرفتي وقد يكون فيه اختلاف في بعض هذه التسميات بين البدو واهل الابل اخوكم راشد العرق |
بيض الله وجيهكم جمعيا والله لا يهينكم على المعلومات التي افدتوني بها وشاكر لكم مروركم وتقبلو خالص تحياتي |
| الساعة الآن 53 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |