سؤال عن مرتب الراعي
 

السلام عليكم ورحمة الله وبركاته

اخواني اعضاء منتديات مزاين احب تساعدوني في اخذ فكره عن راتب راعي ابل سوداني المتعارف عليه وشاكر لكم

تحياتي

اللي عنده عامل من الشباب راح يفيدك لا كن اعتقد انه من


900 - 1200 ريال سعودي


والله يوفق الجميع

مرحبا يامحمد

بالنسبه للراتب يختلف باختلاف الاتي

1/مقيم او متخلف فالمقيم يكون راتيه اعلا لان الطلب عليه اكثر والكل وده يشغله واكثر المقيمين ما يشتغلون باقل من 1500 ريال
والمتخلف من 1000 الى 1200 ريال
2/ المنطقه اللي هو موجود فيها
اذا كان الطلب على الرعيان قوي ولا يتعطل الواحد تلقاهم ما يشتغلون الا براتب عالي لانه ضامن اذا بتشغله ولا بيجيه غيرك
واذا ماعليهم طلب تلقاهم يضمون براتب اقل
3/ العامل نفسه هل هو وراه مسؤوليه واسره يكد عليهم تلقاه يبي يشتغل ولو براتب اقل والاهم شي عنده انه يوفر لهم مصروف باسرع وقت
واذا هو ماوراه احد تلقاه ماهمه الا انه يوفر له مصروف بسيط ولو بالاجر اليومي ولا يشتغل الا براتب عالي ولا جلس عاطل

وسلامتك

عطوع العلم الربع وبيض الله وجيهم
وهلابك اخوي

السعر اللي قالو عنه الاخوان

وبيض الله وجه الجميع

اخواني بدر وراشد المري وراشد المطيوعي وفلاح لاهنتو جميعا

انا باستقدم واحد عندي تاشيرته يعني ماهوب متخلف كم اسلمه ما ابي اهضم حقه ولا ابي اثقل على نفسي
ابي اعرض عليه الراتب وهو في السودان اذا اعجبه ولا شفت الي بعده

وبعد لاهنتو وش رايكم في الرشايده الي في السودان

اخوي محمد اذا بتستقدم عندك الهواري تراه جيد وراعي ابل
والراتب اذا انت مستقدمه يختلف الراتب بيكون 800 ريال زائد 100 اكله وبس
لانك انت الي مستقدمه وسلامتك

ماقصرو الاخوان انا عندي راعي سوداني راتبة 1000 ريال من غير اعاشتة

على حسب ماتعطيه وانا اخوووك انا عندي سوداني متخلف له عندي اكثر من سنتين راتبه 1200 ريال


واذا انت تبي تستقدمه راتبه 800 الاتفاق بينك وبين السفاره السودانيه يعني هم محددين الرواتب على هالاساس

واذذا تبي تزوده بينك وبينه واما اكله مااتوقع انك بتخليه وهي اولا واخرا لك بعد انت تبي تجي لعزبيتك وتبي اكل وتبي شاهي وقهوه لك وله واعتبرها صدقه لك ولوالديك وانا اخووك والله يوفقك ان شاء الله

بيض الله وجيهكم

اخوي خالد العرجاني الهواري وش جنسيته؟؟؟انا التاشيره الي عندي لسوداني

سالم المحميد-فيصل العاطفي-سالم محمد

وشرايكم في الرشايده الي في السودان احد عنده خبر ياخوان هل هم افضل من السودانين؟

الراعي على كفالتك عطه 1000 ريال لان كل شي ارتفع عندنا وعندهم ولا من اول الراعي ب 900 ريال

وبالنسبه للرشايده والله ونعم في اللي عرفت منهم عند الجماعه من الرعيان اهل ابل واهل ذمه وعندهم سلوم طيبه ولاهو بمجمع عليك المتخلفين

اذا انت اللي بتروح تجيب راعيك بنفسك عليك بالرشيدي وانا اعرف واحد له اكثر من عشر سنين عند واحد من الربع واذا تبي اساله انا حاضر يعطيك عنوان رجال يبيض الوجه


اخوك راشد العرق

الهواري سوداني

بيض الله وجهك ياراشد حسمت الموضوع بردك

ولاهنت يا خالد بسأل عن الهواري