حبوب دود وابرة هيام لناقه لقحه لها عشرة شهور
 

مساء الخير لجميع أعضاء مزاين شريت ناقه لقحه لها عشرة شهور ولاكن الناقة ضعيفه جدا وبطنها منصفق ما كنها لقحه واكلها عادي هل اقدر اعطيها حبوب دود وابرة هيام وهي لقحه بعشره شهور
وجزاكم الله خير

حياك الله يافيصل

نعم ممكن أن تعطاء الناقة وهي لقحة بعشرة شهور مع أبرة الهيام .

الخوف من حبوب الدود فقط في بداية الشهور الأولى للحمل .

والله أعلم

الاخ عبد العزيز
جزاك الله خير وبيض الله وجهك

أرحب يا منصور

أنا بنصحك باللي أنصح به نفسي
لا تعطي الناقه أي دواء .. ما عاد إلا خير .. خلها لين تلد وعقبها يصير الف خير.

هذه نصيحتي لك.

الاخ فهد الأحمد
بيض الله وجهك

اخواني الاعزاء
ابرة الهيام ماتضر الناقه حايل لقحه خلفه على شرط ان تكون الفرنسيه سيملارزان
اما بالنسبه لحبوب الدود للاسف ان اهل الحلال فقط يطلب حبوب دود والبيطري وده يبيع ولاحد منتبه للجرعات
البعض يعطيك عشرين حبه واخر عشره وغيرهم اكثر وتاكدوا ان الجرعه المعادله لوزن الحيوان ماتضر ومجربه