حياك ياناهس وانا راح اجاوبك بقصيده قلتها في نفس الموضوع بعد تعرض اخواني لحادث والسبب ناقه سائبه وانا قلت القصيده وانا بدوي وراعي ابل من الله خلقني وخلق شيباني لكن الموضوع ماينسكت عليه:
انحمد الله تعالى اللي بلطفه ستر*** من يوم صارت خسارتنا بشلقت حديد
انشهدن ربعنا قد وايقو فالخطر *** وياجعلها قلعته لوراح فرتن جديد
وياحارسين المحارق حارسين الجفر *** شدوا بها لاتقولون العجايز بعيد
كسبتو اثم البهايم او حشرتو البشر *** لابد وحده من الثنتين شي(ن) وكيد
وللا ترا البيع اخير لكم واخف الضرر *** ترتاح من همها وتعيش عيش(ن) رغيد
ون كان قصدك لبن ترا اللبن فالبقر *** تحطها حول بيتك وانته المستفيد
انشق عجوزك صباح انشق عجوزك عصر *** لاهم ورده ولابنشر ولابه شديد.
والبيت الاخير كنايه عن الراحه واجتماع الشمل. |