بسم الله الرحمن الرحيم
الموضوع قد فتح باب النقاش فيه من قبل ولا يخص الهمل او راعي المنايح الي يبي القرب من الديره
الموضوع في مصيبه اكبر انا .....عمي توفي عن طريق حادث الأبل والمشكله ان راعي الأبل يقول الناقه غاليه عندي
والمشكله الأكبر وقت الشديد الناس تبي الأبل تمشي على القار ولا يحط مراحه عند القار متعازج يروح ورا القار
البر وسيع ولا يوجد بقرب القار ربيع مافي عند القار الي مضايقة الناس
الأسبوع الي فات حصل حادث بالقرب من الرفيعه باكستانيين دعمو ناقه وتوفي واحد منهم
وحطو راعي الأبل بالسجن لغايت ما يشوفون اهل الميت
يعني الحكومه تتحرك وقت حصول الحادث وحريصه على جثث الناس بعد ما تموت والناس عايشه ما حرصت عليهم
اغلب الطرق بين القرى تكون طرق بعيده للسفر من مدينه الي مدينه
لو الحكومه تنزل قرار بعدم الرعي او إقتراب الأبل من القار ويكون لها معابر خاصه يعني كل 3 كيلو معبر للأبل
ويوضع عليه لوحات تحذيريه ان بعد 2 كيلو معبر للأبل ووقت النهار فقط تعبر الأبل لكان افضل بكثيره من الطريقه
للتي نعيش بها الأن .. وهناك اسواق على الطريق والطريق للمسافرين وضعو السودانيين شبوك للبيع الأبل على طرق السفر
ويقول اطلق الأبل العصير تطلق رجولها من الشبك
خلاف حصل بيني وبين راعي أبل على القار
ابله شاده وتمشي على السايد اليمين والسايد اليسار هو بالسياره يبري لها ويهوبل ونحن في طريق سفر طلبنا من ان يبتعد عن القار لكي يسهل للمسافرين العبور دون مضايقه فقال القار لكم بروحكم ... قلت لنا ولك ماهو الأبل والأبل ما يضرها المشي على التراب قال
الأبل تبي تمشي على القار ومتي ما صرت تحط قوانين تعال حاسبني فوجدنا ان النقاش معاه عقيم فتركناه
انا راعي ابل وابوي راعي ابل وجدي راعي ابل وابو جدي راعي ابل والله ما سرحنا بيوم ولا نزلنا عند القار ولا اقتربنه منه
الي المسافه فوق 5 كيلو بينه وينه
نتمني من الأخوان في امن الطرق او وزارة الداخليه التحرك ومنع اقتراب الأبل من القار لانه اللتي تزهد بها ارواح بشريه لهم عوائل
والسبب عجز وكسل راعي الأبل الأبتعاد عن القار وهذي السواة ما يسويها بدوي اغلبهم من السودانيين والبدو الناس الي توهم متبدوين ولا حصل لهم مثل هذي الحوادث
والمفروض بعد يحسبون ان في عقليات مريضه تمشي بالقار هذا محبب وهذا سكران وهذا راعي تريله نايم وهذا يفكر انه دريول
ويبي يشطف السيارات ويهجج الأبل على القار يعني ما انخلص من هالمرضي تلطع لنا الأبل وراعيها
نشكرك اخي طارح الموضوه على هذي الطرح الراقي والمفيد |