حي والله شوفت المولج مضيعت الهقاوي = من تحداها بشوط الفرد معروفً مصيره
ما كسب غير التعب وضحا من النا موس خاوي = جلعتبه بنت هرشً ما حذف غير الخطيره
يا مشا الله يا لعظام الجل والجرم الرهاوي = والسبال المايله والسيف والشلف الشطيره
كن فيها من غنج من تلت القلب الهواوي = لانتها شوط التحدي وبتدى عرض المسيره
جادلً قامت تمخطر لا لمحها كل غاوي = قطع شفاته من الحسره وحاس الله مريره
وكن فيها هيبة الفقران في عين الغناوي = لا وحت الصايح وجا جمهورها من كل ديره
وكن فيها لمحتً من ربشة الحر النداوي = لا نزع برقعه صقاره وشاف المستذيره
من غزايز كاسبين الطيب ممنت الجلاوي = مرةً تاهب على كبود العدى مثل السعيره
في نهارً تختلط فيه النخاوي والعزاوي = ما غدى منهم مع العربان لو حبة شعيره
وفي ذراهم ترتع المجهم مبعدت الحراوي = دونها لمع السيوف ودونها التاج القصيره
ورث جدً لبن هدفه ما خذاها برشاوي = ابلجً طاريه عند اهل الوفا يشفي عبيره
نادرً من ماكر احرارً لكسب الصيد هاوي =مخلبه يدمي وطلعاته على مثاله عسيره
ذي مشاعر قلتها وانأ على الطّيب شفاوي = ما عتبره الا شهراني لو ماهوب امن العشيره

الموضوع الأصلي: جديده في المولج /اهدى لراعي المولج || الكاتب: فهيد الشهراني || المصدر: منتديات مزاين

المصدر: منتـديـات مــزايـن