مجموعة التكريم  تاريخ التسجيل: 17 / 06 / 2007 الدولة: السعوديه المشاركات: 1,259 معدل تقييم المستوى: 246 |  قصه وقصيده
السلام عليكم ورحمة الله وبركاته
اليوم جايب لكم قصيدة ولها مناسبه وهي اني شريت لي ناقة طيبة وبعد ماشريتها جاني بعض الشريطية وكسبوني فيها مكسب طيب ولا بعت...وبعد كم يوم جاني شريطي غيرهم وسأل عن الناقه وشافها وقال والله الناقه انت مغلوب فيها ولكن اذا بغيتني اصرفها لك بنفس قيمتها والا حولها لو خسارة بسيطه فانا مستعد ..قلت له والله يابن الحلال اولا ما طلبت مشورتك لاني اعرفك شاوي ونظرك في الغنم وخبرتك في النوعيه ذي قليله لانها غالية عليك والشيء الثاني انا رجال قناي ولو علي غلابه ما حسبتها ولو اني ابغا المكسب كان بعت الرجاجيل اللي كسبوني... المهم الرجال قام يعذرب وتهيظت بهذي الابيات اللي ما تشمل الشريطية كلهم حيث ان فيهم رجال كفو يعرفون الزين ويشرونه ويرزقهم الله على نواياهم ولكن كلامي يخص هذا الشخص وياتي بيان الخصوصيه في القصيدة وهي:
لا صار الشريطي شاويٍ والفلوس اشوي=شراياه تاتي بين عورا ومطيوره
حرام عليه اشرا اصهبا ما لها حلي=طويلة سبال وخشمها كنه باكوره
كبيرة فقار اسناد فجحا طويلة ني=وسيعة نحر كرسوعها ما شذب زوره
وشولا من الثنتين كنها وصوف ادلي=اليا روح الزعجول تنشاف بنحوره
ولا يشتري سودا اليا قلت ما علي=ثلاثة عشر شبر من الورك مشبوره
من طول ارقبتها قدمها الراس معتلي=طفوح عريظة خد فنسا ومذعوره
وذرعانها مثل النواعير يا علي= نواعير عدٍ ما طريقه بماثوره
كن بساقها من جلها خلقة الولي =تلعثام كسرٍ ما بعد غبيت اوثوره
اليا دخلت شبك من البوش ممتلي =ظهر راسها من فوقها تقول مسطوره
وسبة كلامي في الشريطي من ازعلي=على واحد لولا الحيا بان بسطوره
يعذرب اخيار مالها في الدبش حلي=طويلة سبال وخشمها كنه باكوره
ولا اقصد بها شراية الزين لو غلي=هل الطيب بين الناس بالطيب مذكوره
وسلامة الجمييييييع
rwi ,rwd]i __________________ |