القلب يآبـو بـدر .. زادت جراحـه=والهمّ:طير .. وقلب صاحبك:ملـواح
يآبو بدر ضاقـت علـيّ المساحـه=فكري غدا للضيـق والهـمّ مفتـاح!
تعبت أدوّر لي مع الوقـت .. راحـه=وأليا بغيت الصدق:ما والله أرتاح !!
.. ألاّ بسجّـة خاطـري وانشراحـه=وبعْدي عن اللي قْدرهم بالردى فـاح
وأن قلت: أخذ لك بالمصايف سياحه!=في ديرةً مابيـن تاجـر .. وفـلاّح!
آقـول قلبـي سجّتـه وأرتيـاحـه=فـي ديـرةً مازارهـا كـلّ سـوّاح
حطّيت لي وسط النفود (استراحـه)=أبرى لذودي .. دام برق الحيا .. لاح
واطلق سبوق الهمّ .. واكسر جناحه!=وأعيش وقتي بالسعـاده والأفـراح
مع خوّة أهل المعرفه .. والرجاحـه=الكـلّ منهـم للصعيبـات .. نطّـاح
..هذي علومـي لابغيـت الصراحـه=واقبـل تحيّاتـي ياكسّـاب الأمـداح

الموضوع الأصلي: (( .. أبــرى لــذودي دام برقـ الحيـــــــاء لاح .. )) || الكاتب: مشعل الشويش || المصدر: منتديات مزاين

المصدر: منتـديـات مــزايـن