شفت ابو فيصل عسى ربي يعينه
يطرد الحاشي ويوده لنياقــــي
وابو مسعدوابو متعب عن يمينه
والمطايا روحت تمشي اسباقي
مع طرف ساقان يمشون ابطينه
مع شدادالارض ولا مع رقاقي
واشهد ان البر آخير امن المدينه
مع طرف خلفه وهاذيه املاقي
تاكل العشب الخضروامست بدينه
ماهو ابرسيم رشاش وسواقي
والحليب ابطاسته مافيه زينــــه
ابيضن صافي لذيذن للمذاقــــي
والطلي مذبوح توه ذابحينـــــه
للمساييرالقريب والطراقــــــــــي
هاضني شوف الحوير مع حنينه
وامه الخلفه مع ابكارن حقاقي
ودي اشري خلفتن صفرا سمينه
مار زين ارخيص انا ماني ابلاقي
حدني عنه الغلا ويا قرينــــــــــه
غصب ماهو بالرضا والصدرضاقي
وحبكن يالنوق في قلبي رهينه
احرق اضلوعي وخلاهن احراقي
ماكذب من وصف البل بالسفينه
تقطع البيدى على خفٍ و ساقـــي
وصلوها للكويت وللمدينــــــه
والتبوك وصلوها للعراقـــــــــــي
ومن جنوب المملكه لطراف لينه
يتبع المرباع عشاق النياقـــــــي
للشاعر:حمود غالي المطيري |