اسمحلي اقول ان من يمنع الحليب مايستاهل البل الحمد لله انهم قلة قليله ماهم اصحاب ابل ولكنهم يدعون الابل لكن
الله يرحم شيبانا الى علمونا وشلون نقول لكل من جاء لمراح البل حياك الله ويشرب حليب والخير من الله والبركة منه
ياخوي شي طيب ترتاح نفسيا يوم تشوف عابر سبيل اوضيف يشرب من حليب ابلك وتقدم معه التمر ويقولك يامال البركة
العام الماضي حصل موقف طريف كنت مع اخو لي في ايام الربيع وطالع يوم الاربعاء وعازم ضيوف المهم سبقنا ابت عم لي وجهز الامور قبل ماصل للابل وصلت مع ضيوفي وتعشينا وسمرنا ومشو المهم حلب اخوي والعامل البل لضيوف شربو الى شربو والباقي اخذوه معهم الساعة وحدة باليل قمت بنام وبعد نصف ساعة الا السيارة يوم جات ياولد ينادي الوقت متاخر وبرد طلعت له وقلت حياك الله قال ياولد حنا من الديرة الفلانية ولانبي الاحليب قعدت افكر وشلون العامل نايم واخوي بعد تعبان ونايم قلت ماعليك الله يهونها قلطتهم وشبيت النار واخذت الغرشة والكشف واقول في نفسي وين الناقة الى بحلبها افكر فيه بكر ماهي هديه المهم قومتها ودرة وحولت معها وقدرة احلب المهم البرد والناقة ماهي هدية حلبت بعد مقاومة ويوم جيت بترك الديد حركة رجلها ولين الحليب في الارض اصبحت في موقف لايحسد عليه ضيوفي ينتظرون وحليبهم راح وش السوات رحت للعامل قوم ياشكر وراح مادري المهم جاب شي يجمل وشربو ضيوفنا وعزمتهم واعتذرو وعدتهم يجون بكره لكن الاخوان اعتذرووووو __________________
اللهم اغفر لي ولوالدي وللمؤمنين والمؤمنات الأحياء منهم والأموات |