[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="solid,4,white" type=0 line=200% align=center use=ex length=0 char="" num="0,black" filter=""]
الله من صدر(ن) تقارع عباره = لاعادني بزر(ن) ولا قيل ياعود
وأذل أنا قلبي يجي به غياره = من يوم شفت دويخه مشيها كود
ان سلمت الصفرا فكن لي عماره = ودي بها من بدة الحمر والسود
يالله الى حن ماورانا تجاره = ولا تفرّعنا وناكل من الفود
والى قصير(ن) شد من عند جاره = لا جارنا يزعل ولا شاف منقود
ولا على الجاره ندز الخباره = وان غاب واليها لها الله وعهود
طالبك أنا ليل (ن) تشاعق فناره = نوّه عروض ويحيي القلب برعود
سال الجبل ثم طال حفر الزباره = ومن جا المواهب قال في شربها زود
تسندوا للشرب عقب انحداره = والبيت طوّي وقرعوا كل مشدود
دبّت على الهجله كما وصف غاره = يازينها لوكان ماعاد مفرود
يبدع بها صلف(ن) كبار ٍ فقاره = ناب السنام وكن في مقدمه زود
تمشي مع قفر(ن) جديد(ن) خضاره = واكبارها عقب الهزَل لبست الخود
كم ربعـّت مع الاجنبي في دياره = تفرع بنا غصب(ن) ليل صوّح العود
تتلى بني عمي سواة النماره = مرية ٍ لامنه جا الصلح مردود
صلاة ربي عد مأسفر نواره = واعداد ماينبت على الارض من عود
واعداد منهو حج وأرمى جماره = محمد المبعوث بالخير والجود
[/poet]