انا لي امالي وانت لك يارفيـق امـال=وكلً علـى شفـه يقـودنـه امالـه
تلاعبك افكارك علـى شوفـة النيبـال=وانا ارجي بنات الهرش عليان وعيالـه
عسى الله يقود لنا الرجا في جلال المال=وحياة على الطاعة ونكسب بها الطالـه
نبي سجتاً مع كل وضحاَ تسـر البـال=رعى الصنف لامن شافها طوح عقالـه
حلايا القنيف اللي تزبر بوسـط خيـال=وفصل في سوادالغيم من عقب همالـه
وسيعة نحر حسقة وبروالعضام جـلال=شتراً قصيـرت ذيـل ماهـي بذيالـه
ومن العيز نايف نيها قـام كنـه هـلال=ولاهـوب لامدنـف ولافيـه ميـالـه
ورقبتاً تسوج الخيط من حيث مالت مال=وراسً كبير وجملـة ضافـي اسبالـه
طويلة مذارع خلفها الدق لـه زرفـال=تشوش على صوت المغني و هوبالـة
خطات الشناح اللي يطرى لهـا مجـال=الى جا المزاحم والرشا ركب محالـه
الى جا المزاحم فالمواريـد والمحـال=راعيها وسيـع بطـان ماضيقـو بالـه
عوباَ مناحاها صعيـبَاً علـى العمـال=تبي واحداً في شفهـا يتـرك أشغالـه
الى بكر الوسمي وزين المراتع سـال=مشـا فـي هواهـا ماتسمـع لعذالـه
وخلى الربوع اللي يقولون حنـا ثقـال=علفنـا ثقيـل فـي مشالـه وحـوالـه
خلى العلف واللي يبي للعلـف مشـال=ومشى في هواها جعل فال السعد فالـه
ونزل في مكان داعبـة رايـح الهمـال=وناره شعمها واحضـر البـن ودلالـه
هذي هي امالي والبشر فالامال اشكال=وكـل علـى شفـه يقودنـه امـالـه
والله ياسالم اني احترت فالبيوت
لانسخة واحد لقيت الثاني اطيب
لين نسختها كامله
وصح لسانك يالجزل __________________
ليت العطاوي حي ويشوف بالعين
عين الهنوف الي تسلهم بالاهداب
ان كـان مـاغنـا ولارد بيتـين
فـ مـنيره وساره ولابنت الاجناب |