الله يوفقك ويبارك لك ان شاء الله
اول شي عليك بالبرسيم الاخضر
الثاني كل اسبوع تغسل البل بالشامبو الاحمر
ثالث شي عليك بالمكعب الوافي
رابع شي الجلال
بالنسبه للاعلاف لا تخلي الاحواض فاضيه ابد
وانت تبي البل شبك ولا تبيها هجيج ولا تبيها عرض على لجنه يومك تبي افضل طريقة تعليف لانها ان كانت سمان بتزين البل
على قول ةسالفة قديمه يقولون ان فيه اعمى يمشي مع رفيق له شاف رفيقه ابل قال يازين البل زينااه قال الاعمى ياسمنها سمناااه ومرو على ذود ثانيه قال رفيقه ياشين البل شيناااه قال ياضعفها ضعفاه قال انت وش دراك انها ضعاف وانت اعمى قال البل لا سمنت زانت لو انها من اطرف الحلال
والله عليه التوفيق __________________  حنا الدواسر ممنـت كـل خايـف
دايم على العليـا تواثـب جهودهـا
حنا هـل القيمـه رجـال الشيمـه
دواسـر كسـب الثنـا مقصودهـا
حنا هل البـل مـن قديـم وتالـي
فنس الخشـوم اللـي زياناًخدودهـا
تفرح بنـا لاصـاح صيـاح ريبـه
لا حنـت الفاطـر تبـي مفرودهـا |