مرحبا اخوي عبدالعزيز ابشر بالخير اذا كانن امهات حشاوينك اصايل ابشر بالخير
اخر بيعات انتاج الاســـــــــــــــــــد (الشبل) قعود حق عند راعيه علي بن الخرس الكتبي مالك الاسد
بمليون ومشري من مركاض النعيريه الاخير كاسر التيم في شوط نقدي وكسر تيم السيارات والقعود اشتراكاته قليله
وبنته من اسبوعين عند ابن رشيد السويدي انباعت ب4مليون درهم خذت سيارتين في يوم واحد سيارة الشوط وسيارة
التيم لانها تيمها افضل تيم لذالك اليوم
ومن غير البيعات السابقه والقليل القليل من انتاج هذا البعير يكونن عاديات الله يبارك لراعيه وللي مضربين له
اذكر لك اشهر انتاجه (جميله) ملكيتها الان لهجن الرياسه ومضمرها سعيد بن شطيط الوهيبي واللي بايعها
الحميدي العامري بمليونين واربع ميه
وبكره ابورويس الكتبي ب800الف وبكره عبدالله بن علي ال جميل احواره ب500الف للمزاين
للعلم اكبر انتاج الاســــد عند الناس لقايا هالسنه ومافيه جذاع الا عند راعيه ومعدودات وسبق
وغيرها الكثير الكثير ولاكن هذا مايحضرني والبعير الحين مع ابل الامير تركي بن محمد بن فهد صار له شهر تقريبا
وبيرد لراعيه وللعلم سوم الاسد ب6ملايين من الشيخ تميم وراعي ماله نيه ايبيعه
اتمنى اني قدمت ما يفيدك ويفيد الاخوان واسمحوا للي على الاطاله |