مرحبا اخوي خالد الحريص
المعشر وانا اخوك هي اللي اضربها البعير وبان فيها العشار بعد اسبوعين من الضراب ودليل العشار ( المشاول+
رفعةالراس بدون رغي +الوقوف + التوزير ) وهذا بعد عرضها على البعير ( اسبوعين بعد الضراب )
يقالها معشر لمدة ثلاثة اشهر وبعد هذه المده يقالها لقحه
اما بالنسبه للمجسر : هي التي ترغب الضراب ومن بعض دلالاته دايم تشوفها تقرب عند البعيروخصوصا اذا كانه
يضرب ناقه اخرى او انها دايم تناظر البعير والناقه تكون مجسر اغلب الاحيان مدة اسبوعين ومن ثم ينقطع ويعاود
واذا بغيت الناقه تجسر اكرمها بالعلف
اما الخلفه : فهي اللي ولدت ومولودها معها وتعطي الحليب عن طريق ولدها والمده تكون من ثلاثة اشهر الى اربعة
اشهر . بشرط ان الناقه ما تكسب ( يعني ماتضرب)
هذا مالدي وبالله التوفيق |