السلام عليكم ورحمة الله وبركاته
يا عيد الدق يعني الصغار من البل من الحواره إلى اللقيه
والجل هي النياق من الجذعه وفوق وهذا مفهوم البدو كلهم
دبوس مبارك الدبوس الفضلي من اهل الفحيحيل
من رجال الأعمال بالكويت أبا َ عن جد
ولا سمعنا عنه اللا كل خير
مرجله واخلاق وتواضع وصاحب دين
اما بخصوص إنها تحسب له او تحسب عليه فهي على حسب الشخص نفسه
إذا بيشارك هالسنه مهوب من صالحه لأن اللجنه تبي الغالب جل وراح تنزل من تقييمه
أما إذا الشخص يبيها للسنين القادمه أو للإنتاج على المدى الطويل فهي تحسب له
وقد اصاب في هالشيء خصوصا إنها بتشارك والناس متشفقه لها بعد سنه او سنتين
وهم يسمعون فيها ولا شافوها وبيض الله وجهه عزالله انه دخل بقوه محد سبقه عليها
واشهد بالله إن الفلوس لقت راعيها يا رياجيل
ولا أنسى ان اشكر إبن همدان المري وكيل البل
اشهد بالله إنه اخلصله وإنه راعي النظر اللي ما فيه كلام
والله يبيض وجهه ويكثر من امثاله __________________  |