شكراً لك على النقل المميز يايوسف ابن مطلق و بارك الله فيك , وانا بصراحة مع الاخ منير البقمي في القول بان الشاعر عبدالله بن زويبن يمثل جيلٍ الاصالة جيل البداوة الحقيقية مع انه مالحق عليه ولالحقواعليه اللي عمارهم على 100 سنة بس ماشاء الله عليه يصور تصوير فوتغرافي للحياة الأولة وانا مسمية مخرج افلام المغازي والاكوان الاوله اذا سمعت قصايده وصفه للأكوان كأني اشاهدهم في الواقع
مثال :
كنه سبيب اللـي ليـا ماحـت الذيـل
راسـه تعـدى راسـهـا وارقبتـهـا
صفرا وهي بعذارها سمعـت الخيـل
اشد من ضـرب الدفـوف أرجفتهـا
وقامت تشيل بنفسهـا بالسمـاء شيـل
وصاح النذيـر وسبـق الخيـل جتهـا
خيالهـا دايـم علـى خصمـه الميـل
إلـى فـرق رجليـه عـن معرقتهـا
شيـخ مضريهـا لنـطـح المقابـيـل
صـوب الخـلا بعنانـهـا ماعفتـهـا
تفرح بـه اللـي ماروراهـا رياجيـل
وصكت عليهـا خيـل قـوم وخذتهـا
عن كبدها يجلـى الصـدا والبهاذيـل
إلى لفت فيـه الصـدف مـن بختهـا
نادى لهـا يـام الحلـق والخلاخيـل
ويـن اتجـاه القـوم يـوم اقتفتهـا ؟
وقامـت بذرعـان زهتهـا المفاتـيـل
تنعـت وراهـم ليـن وكـد نعتـهـا
وقامت تزغـرد بالغنـاء والمواويـل
وجاه الدهاش وشاش مـن غطرفتهـا
وأومى بهم مثـل الهـوى بالمخاييـل
وضاقت بهم جـرد السهـال وسعتهـا
من راح ماعود ومن طـاح مـا شيـل
وقطم الحذا راجـت عليهـا غبرتهـا
لله درك يابن زويبن, وانا من اشد المعجبين بهالشاعر واعتبره من النخبة هو والشاعر سعد بن جدلان والشاعر شقير الجذع . عسى الله يبارك فيهم ويطول عمارهم على طاعة الله . وتقبل مروري مرة ثانية . __________________  |