البارحه بين السهـر .. والهواجيـس=نفسي غريبه.. وانشـد البـال عنهـا
انشد.. وادور.. واتمـروا .. الاحاسيـس=لعلنـي القـا ولـو شـي منـهـا
حاولـت اغيرهـا بكـل المقاييـس=وتشكي علي من جور وقت غبنهـا
لو انني مـا ارخصتهـا للمفاليـس=وازرت تطاوعني وتعـرف زمنهـا
نصحتها بالصبر.. وبعـد المراميـس=وتصفح عن اللي بالزمان امتحنهـا
اتلهـا.. واسايـر العصـر .. واقيـس=وإتلنـي تـل العسيـف برسنـهـا
قلت اذكري الله.. واستعيذي من ابليس=قالت خفوقـك علـم اللـي طعنهـا
كلمـه ولـو دورتهـا بالقواميـس=حصلتها فـي شامهـا مـع يمنهـا
النفس ارض.. والمعـزه تضاريـس=والارض لولاهـا وش اقـول كنهـا
وطويق لو هبت عليـه النسانيـس=يبقـا لهـا سيـد ويامـر وينـهـا

الموضوع الأصلي: رسـن العســيف... || الكاتب: خليل بن هدلان || المصدر: منتديات مزاين

المصدر: منتـديـات مــزايـن