مرحبا يابو نايف
والله لايهينك ويجزاك خير ومن مر على الموضوع سواء شارك او لم يشارك
بالنسبه لارتفاع الاسعار هذا رزق من رب العالمين لاهل البل اللي بعضهم ماله من الدخل الا البيع منها وهي رخاص ويدعو ربه انه يغنيه من حاجة الناس وانا اعرف ناس كثير ومنهم واحد ماعنده الا هجن ولا يقدر يشارك بها في السباقات لان الوضع المادي ما يساعد والله رزقه هالحين بارتفاع اسعار الهجن الاصايل ونفعه وعدل من وضعه واسال الله ان يستمر ارتفاع الاسعار واللي عنده حلال يحافظ عليه ولا يبيع الا متصرف واللي يبي يتبدوا ويصير وبال ماهو لازم انه يشتري امهات الملايين ومئات الالوف يبتدي بابل عاديه واصولها طيبه وتعب شوي مثل اهلها اللي تعبو قدامه ويسال الله التوفيق
الله سبحانه هو الرزاق وهو من صخر اهل الملايين اللي جابو فكره المزاينات والتحدي بينهم عشان يجون العالم قدام عيونهم ويشترون على نظرهم وهذا رزق من الله لاهل الابل
اسال الله ان يوسع رزقه على عباده كل في مجاله بالحلال والبركه
اخوك راشد العرق __________________  |