بسم الله الرحمن الرحيم
موضوع جميل ويستاهل الي يتفاعل معه
بخصوص الفحول انا لا استطيع ولا واحد منكم يستطيع القول انه ما يستاهل سواء 10 مليون ولا اللف ريال قبل ما يشوف انتاجه
لانه البعير انتاج مو شكل
ابي اذكر امثله يا اخوان واسمحولي
بعير بن حجنه شكله عادي وعليه 6 مليون
عبدان شكله عادي وكلنا انعرف بكم يسام واولاده بكم يسامون
وكثير كثير من الفحول اشكالها عاديه ولاكن انتاجها طيب وينشري بأقيام طيبه لأنتاجه وليس لشكله
ويوجد فحول اخذت بمزاينات مراكز متقدمه ولاكن انتاجها عادي ولا له قيمه .
اما بخصوص النياق عامه نقدر نحدد السعر وفي بعض النياق اشكالها عادي وبطونها ذهب
وفي ناس تبي العجله وتبي الولف وتبي الاصل واتسوم بأقيام عاليه .
اما بخصوص السومات العاليه والي راعي الحلال هو نفسه الي يسوم ويقول للناس بالسعر الفلاني
وهو لا شكل ولا انتاج هذا شي بينه وبين ربه والناس بتعرف انه كاذب .
وبخصوص انه يحد بأسعار غاليه هذا ينطبق بحياتنا العاديه بالسيارات او بالبيوت او اي شي يمتلكه الانسان
يحده بسعر غالي ولا بسعر رخيص حلاله واهو حر فيه ان ما اعجبك سعره خله وامش
ياخوان الابل في الماضي مكان يسومها الي الامراء او وكلاء الامراء بقيام عاليه
وبالوقت الحالي الناس كثيره من يسوم ويشتري ابل ويبيع ابل بأقيام عاليه وليست محتكره على احد
يا جماعه وبالنسبه لحرام او حلال هذا حرام عليك انت انت تحرم وتكذب اشياء لا يعلمها الي الله .
لاكن إذا كنتو تبحثون عن الحقيقه اطلبو منه اسم السوام او رقم تلفونه وسألوه بدال ما اتكذبوه |