طبّيت سوق الماقفه والهوى صلْـف=
وأهل الغنم مع غيبة الشمس صلفين!!
صدورهـم تقـول مبلوفـة ً بـلْـف=
والمشترى بيمين/والبيـع بيميـن!!
أتدوّخك من كثـر الأيمـان والحلْـف=
وسعر الشعير مزوّد الصاع صاعين!!
تقول:وين الربح مـع كثـرة العلْـف=
وعمّالها/والأدويه/ربحنـا ويــن؟؟
ندلف لها ياللّي تبون الشحـم دلّـف=
وأكثر حوايجنا من السوق بالديـن!!
بعنا بهمها والجَنَب حشمـة الخلْـف=
ونمسك سرى خلف التريله نهارين!!
والذيب كم يطمر علانا مـن الخلْـف=
والكلب ماينبح عيـال السراحيـن!!
هذي سوالفهم من الياء ليـا الألْـف=
وعلومنا حنّا تبى تجيـك ذاالحيـن!!
حنّا من الكرمه قبـل ضيفنـا يلْـف=
نحوف كل السوق ونـدوّر الزيـن!!
فلوسنـا فجيوبنـا مالـهـا ولْــف=
مأتالـف ألاّ عنـد قنّايـة الظيـن!!
وفالماقف المحرج وفالماقـف الكلْـف=
نشرْ الذبيحه لو يقولون بـألفيـن!!
ومن يغلي الأسعـار عسـاه بالتلْـف=
دعوه من المستهلكيـن المساكيـن!!
مادام ياعمّي تبيـع الطلـي بـألـف=
خلّك عساك تشيل كيسك بخمسيـن!!