 رد: عا جل سبب ضيا ع الحلا ل
السلام عليكم جميع ممكن نلخص الاسباب في الاتي: ( من وجهت نظري طبعاً )
أولاً : المقيض لابد يكون مكان ثابت مايتغير وتكرم الابل فيه ولاتعطش ابد عشان لو لا قدر الله ضاعت ترجع بحفظ الله وتوفيقه لمقيضها لأنها خابرة فيه الماء والعلف.
ثانياً : لابد من تأمين الشبوك جيداً اما المرابيع الي مثل المساويك ماتنفع تنكسر بسهوله.
ثالثاً : في الشديد لابد من عقل رؤس البل الي تقودها والتأكد من ذلك ولا يؤخذ بكلام العامل يمكن يخلي العقال راخي او ما يعقل اصلاً ويقولك آآآآآي عقلتها( تب) وهوحاط في باله انها ماتغدي ولياقمتوا الفجر مالقيتوا البل وابلش عاد .
رابعاً : مثل ما قالوا الاخوان لابد تفاجئ العامل وما تعطيه خبر بجيتك ولا تقول يمكن ناقصه اغراض جب الي تشوف انه يحتاجه .
خامساً : لايحس العامل انك غشيم او ماتفهم في حلالك بعض الربع الله يهديهم من باب الميانه والتواظع ينشد العامل عن كل شي الناقة هذي وش فيها شكلها تعبانه وش تتوقع الي بها ولا وش رايك بشكل القعود يصلح مزاين ولالا ومن هاكلام أقول ياربع العماله بيناتهم يسولفون وهذا يقول عمي غشيم وهذا يقول عمي فطين وغيره وياما عينا ابل تموت قدام اهلها وما عالجوها يقول العامل يقول ما عليها بتزين بس مغتثه ولا تقول للعامل عطيتها العلاج الفلاني يقولك ايه وهو ما يدري وش انت تقصد بس يخاف تحس انه غشيم وتغيره - وكان عندي ناقة جاها الهيام وانا مسافر وقلت للعامل يعطيها العلاج موجودعنده فالغزبة وعقب اسبوع الناقه شانت وانا جيت من السفر وعلى طول رحتله وخليته يجيبلي العلاج الهومعطيها لقيته يعطيها علاج ذرق الله يكرمكم ولاهو للبل بعد لابالله الا حق البهم ومن يوم وريته علاجها وعطاهاإها بدت تحسن لين فكها الله ولله الحمد.
وأخيرا الرعيان ماهم سوا عشان ما نظلمهم ولكن لابد تتابع حلالك بنفسك وقالوها الشيبان اول الي ما يحظر ولادة عنزه تجيب تييييييس وآسف على الإطالة وتقبلوا فائق احترامي وتقديري.........
|