البكار الزقم .. عــيــّـت لاتزينها الاجله = الخساره فالقلايد والخساره فالجلالي!
علمو راعي خساره لايعديها محله = مايقدم للمزاين كون بالسود الغوالي!
يوم عاده في محله يحسب ان العلم فله = مادرا ان ضرب العوادي يخلف قروم العيالي!
مادرا ان توه بكار" لـبن هدفه مستحله = مستحله للمراكز لوله والرقم غالي!
مثل (مزيونه) و(مبروكه) لهن طبع وجبله = و(العنيده) و(الجمل) أربع مواتر بالتوالي!
كاسبات الشوط بالناموس في دقه وجله = وفوزها تستاهلونه ياكريمين السبالي!
امحلفنا في نهار الهوش عدوان المذله = وان نصاهم مجرم" مأمون في روس الطوالي!
اكسبو بمشوكات" مامضى كنها لهله = والسنين التاليه أرخو لها خشم الريالي!
إعلنيها يا إذاعه وانشريها يامجله = مايقدم للمزاين كون بالسود الغوالي!
مثل مزيونه ومبروكه لهن طبع وجبله = والعنيده والجمل أربع مواتر بالتوالي!

الموضوع الأصلي: البكار الزقم .. عيــّت لاتزينها الاجله ..@@ || الكاتب: فهد بن صلبوخ || المصدر: منتديات مزاين

المصدر: منتـديـات مــزايـن