 رد: نبي رايكم بالي حاصل ؟
و الله يا جماعه الخير تبون عاد الصراحه
سوق الابل اللي بالجنادريه مو محركه الا السودانيين يشترون العرجا والمنكسره
و الوجعانه و الزينه و الموجهه محركين السوق بالله بانشدك السعودي سمح مثل السوداني
السعودي يشري الناقه بعشره يبي فيها مكسب خمس الاف الفين ثلاث والسوداني يرضيه لو خمسين ريال
السعودي بيشتري العرجا والمنكسره والوجعانه ولا العايب من المستحيل
تعال شف سوق الابل الحين عقب ما منعو السودانيين من البيع فالسوق
راكد جدا جدا من ناحيه البيع والمشترى في خمول ما هو لصالحنا حنا يالشريطيه او القنايه
... ومحتكرينه التجار السعوديين
تلقى الناقه قيمتها تفاوت ما بين 15 الف او 12 الف يقولك سيمت بـ 22 الف تطفيف بين جدا جدا
وبصراحه دخول الاجنبي معنا في سوق الابل من الجنسيه السودانيه مكسب لنا
نبيع ونشري سوا والله اننا نلقى مكسب فالناقه اني لو ابيعها على احد السعوديين ما جابت هالربح
اقول كلامي هذا ويعلم الله ان لالي عماله سودانيين على كفاله و لا لي فيهم خص
بس من واقع اشوفه بعيني |