 رد: مشروع مربح وله فائده لاهل الابل
اعتقد ان الشريحة اللي تقصدون مثل الشريحة اللي بالخيل الأصيله الواهو تزرع تحت الجلد وهي تقوم بمقام الوسم بالأبل والشاهد وهي معلومات عن راعي هالناقه لكن فكره الشريحة منظمة ومطورة اكثر لان هالمعلومات مقيدة لدى جهات حكومية رسمية فلو كان لكل صاحب حلال قيد او سجل رسمي لدى جهه حكومية معينة وزارة الزراعه مثلاً وابله اللي يملكها مزروعه بها الشريحة لسهل ذلك كثيرا في حاله فقدان او سرقه البل بحيث يسهل معرفه صاحبها عن طريق مراجعه الجهه الحكومية لكون معلومات صاحب الناقه موجودة لديهم اما الريشة ونظام التتبع فالفكرة رائعه لكن هالريشة تحتاج لبطارية واصحاب الطيور يستخدمونها في وقت محدد فقط اما في الابل فتحتاجها على مدار 24 ساعه ولو تبي تغير البطاريات كل وقت دخلت بمشكله ثانيه لكن وش رايكم بفكرة طوق او سوار من الحديد يركب بأحدى ارجل الناقه يطريقه تضمن سلامتها ويدون عليه رقم جوال راعي الناقه مثل ماهو معمول به في الطيور اتوقع راح يساهم في الحد من الفقدان والوصول لراعي الناقه لأن البل اللحين تلقا عليها اكثر من وسم الا ما ندر ولو ما ذكرت لك ما راح تعرف صاحبها .
الموضوع قابل للنقاش والحوار وبأنتظار ارائكم __________________
الزين مثل الحـيـا متبوع @@ أن ماتلى الناس يتلونــه
والشين مثل المحل مقطوع @@ يمشون لين أيتعدونــه |