المشاركة الأصلية كتبت بواسطة خالد الحجي

يابو علي علمك طيب وبيض الله وجهك على اللي تسوونه وتتعبون عليه بداية من صاحب الموقع والمشرفين وماأظن احد معترض لكن أتوقع تأخر الأعضاء بالمشاركه كل واحد يبي غيره يبدأ من باب الإطلاع قبل المشاركه !!!!
يابو علي لاتأجلون ولاشيء بس اعلنوا أن بداية المشاركه محدده للالوان كل لون أسبوع بتاريخ معين وصدقني حيشاركون اغلبهم مايعرف متى ينزل الصور والا كل شيء جاهز والناس انشغلت بالمزاينات ومتابعة قناة الساحه هههه ماعاد تدخل النت !!!

المشاركة الأصلية كتبت بواسطة بندر بن معيض المطيري

ابو علي علمك غانم وخيرك سابق ولا نرضى انسحابك تبون تأجلون هذي شي انتم اعلم به لكن انسحابك مرفوض جمله وتفصيلاً وما اقول الا ابيض وجه ورايتك بيضاء

المشاركة الأصلية كتبت بواسطة تركي القريني

بيض الله وجهك يابو علي مامنك قصور

بس يمكن مزاين قبيلة عتيبة و مزاين ام رقيبة صار فيه تشبع ودخول موسم الحج

له أسبابه الخاصه ولو يمدد الفترة الى نهاية شهر محرم القادم يكون أفضل

المشاركة الأصلية كتبت بواسطة مسعود العماري

مرحبا ومسهلا ابو علي

علمك غانم وانت راعيه

وجود مثلك وشرواك ضروري وسبب لنجاح اي مهرجان وليس فشله

فانا ضد انسحابك

وضد تمديد المزاين والسبب ان الاعضاء قد لاتوجد لديهم اي نية للمشاركة

وعدم تفاعلهم مع المهرجان سوء بالمشاركة او شرح اسباب عدم المشاركة

دليل على ذلك ولو ان صاحبي حي (ن) تحرك

المشاركة الأصلية كتبت بواسطة تركي الصويمل

يابو علي

وجهك ابيض ولا جاء منك قصور والكل هنا يشيد بجهودك
وعلمك غانم

المشاركة الأصلية كتبت بواسطة فهد الأحمد

المشاركة الأصلية كتبت بواسطة محمد الزعبي

بيض الله وجهك يابو علي مامنك قصور

فانا ضد انسحابك
ويد فكرة اخوي تركي القريني على التاجيل

المشاركة الأصلية كتبت بواسطة خالد السديري

ابيض وجه يابو علي............لن نرضى ان تتنحى

وانا مع فكرة اخي تركي القريني وجاءة الفكره المزاين مع مزاينات القبائل ودخول وقت الحج.

المشاركة الأصلية كتبت بواسطة محمد بن شريه المطيري

بسم الله الرحمن الرحيم


اولا نرفض تنحيك يا ابوعلى

وانت رجال ونعم فيك وكفو انشاءالله

وتأخير المشاركين والله كان بسبب انشغال الناس بالوقت الحالي

انا اتكلم عن نفسي انا بالكويت وابلي بالسعوديه وانشغالي بدراست اولادي وعملي بالكويت
لم تحصل لي الفرصه للمشاركه وانا ان راد الله راح اكون بالسعوديه يوم غد وبشارك بالشعل والصفر

والله يوفق الجميع

المشاركة الأصلية كتبت بواسطة عيدالمنصورى

ابيض وجه يابو علي............لن نرضى ان تتنحى
قالوها من سبقوني بالرد واكررها الف انت دايم سباق لجمع الشمل وانا اول من جرب ذلك
اما بالنسبه لعزوف المشاركين فالمزاين اعتقد بأن الاسباب من خارج المنتدى
والمنتدى والقائمين عليه ماقصروا واللجنه كفوواكثر والدعم المادي و العيني والمعنوي كله متوفر ماقصرتوا
ولا اظن ان هناك عزوف بمعنى ما فسر فقط ترقب وحذر من المشاركين كلن مايبي يعرض قبل الثاني

واولا واخيرا اللي يقصربك يشملنا جميعا واللي يقول فيه قصور يعلمنا ويبشر بسعده

المشاركة الأصلية كتبت بواسطة راشد العرق

اوافق ابو احمد الراي
وبالنسبه لتاخير الاشتراك فانا ارى انه لو قمت انت وفهد بن صلبوخ ومن هو عازم على المشاركه ومجهز من وقت بتنزيل مشاركته لرايتو المشاركات في اليوم الواحد اكثر مما تتوقعون فاكثر المشاركين يقتدون بمن يرون انه من المنافسين الاوائل

والمشاركه اخواني الاعضاء مثل اي رد على اي موضوع
وانا سوف ابذل ما في وسعي لانجاح هذا المزاين ولو بمشاركين جدد خصيصا لانجاح هذا المزاين مع احترامي لاخواني الاعضاء في وضع الانتظار والترقب الحذر

اخوكم راشد العرق

المشاركة الأصلية كتبت بواسطة عبدالعزيز بن سعود التميمي

ابو علي

بيض الله وجهك

وعلمك غانم

ولافيك قصور

لاكن التوقيت هوسبب العزوف

وإن شاء الله في القادم من الايام تتحسن الاوضاع

المشاركة الأصلية كتبت بواسطة حمد بن سنيد المري

ابوعلي

بيض الله وجهك وعلمك غانم ولكن قالوا الرياجيل قدامي وبقول واكرر


انت لها ولا غيرك يقدر يتحمل المسؤلية بدون قصور في الربع ولكن ما للحمول الا جملها


ولا اقدر ازيد على كلام اللي قدامي



وانا معارض لفكرة خروجك

المشاركة الأصلية كتبت بواسطة طالب راشد المري

حنا عصافيرن وبو زيد سدره * من ذل منا يبو زيد التوا بها

المشاركة الأصلية كتبت بواسطة عساف السبيعي