 رد: افضل طريقه او علاج لناقة المغتثه او المتخمه؟؟؟
جيت لابلي ولين عندي قعود جذع منسدح على جنبه ويالله يتنفس وبطنه تقل بطن لقحه ورجليه فيها نفضه ولا اكل الا برسيم....ولامعي في الموتر الا علبين سفن اب ابو ريالين واغرها في ثمه وهو مستسلم استسلام ميت ما هش ولا نش....وانبش الادوية ولا القا الا بنسلين واعطيه 30 سس...وافوح له بريق شاي اسود عاقد واخليه لين برد شوي والحقه السفن اب وهو على جنبه ما تحرك ويالله افك حنوكه واصبه صب تقل اسقي رضيع.. ما تم نصف ساعة الا وفك الله عنه... وما هدفت الابل الا وهو يهادر ويبي الضراب بحمد من الله وتوفيقه....وش اللي فاده في كل هذا والله ما ادري... وهل هي نفس مشكلة بكرتك والا لا مدري...والله لا يخسر علينا ولا عليك ولا على كل مسلم... |