المشاركة الأصلية كتبت بواسطة حاتم العزيزي

السلام عليكم اخواني اعضاء هذا المنتدى المميز الذي استفدنا منه واااجد واستانسنا به كتب الله الاجر لكل من شارك فيه بما يفيد المسلمين ..

فيه مشكله عندي بالحيران ذبحت حوارين هالسنه .. وهي ان الحوار اذا ذرق نحلب امه عنه ونخليه يرضع على خفيف ونعطيه ماء وبأذن الله يتعافى ويرجع طبيعي لكن بعض الحيران من بعد يذرق ينغث وتصير حركته شينه وبس بارك ومنزل راسه يوم يومين ويموت مع العلم ان الذراق قد وقف عنه ورجع بطنه طبيعي ..
مع العلم انا محافظين على الحيران من ناحية الذراق لكن مدري حليب بعض البل احس انه حار على الحوار
وانا مااستخدم العلاجات اللي توقف الذراق لاني متشائم منها وانما اخفف الحليب عن الحوار واعطيه ماء بسيط
والحوارين اللي ماتت اثناء مرضها عطيتها ماء وفيتامين ( strees ) ومضاد ( اقمنتين ) بس مافادت .. والاخير منها كويته وحلقت على سره ولا فادت ..

السؤال //هل الحوار اذا وصل المرحله هذي له علاج او كويه معينه كأسعاف ؟؟ وانا قد سمعت ان فيه مغذي خاص للحالات هذي ؟؟