المشاركة الأصلية كتبت بواسطة مشعل البرقاوي

الأخ : محمد المحارب .
الله يحييك .. ويبارك لك في سمحان وانتاجـه .

أولاً : البعير :
بدوي وموجّه .
راسه عود وضافي .
قصير سداه .. وقصير عظم .. وقصير رقبـه .. ولحييييييييم ,
ماهوب وارد .. في مواصفاته وشكله ,


بالنسبه للانتاج :
انت ماعلمتنا وش مستوى أمّهات هالبكار ؟!
يمكن أن البعير معدّلً فيها واجد ونظلمه !
ثانياً :الوضحى :
البكره حلوه ومقبوله وبكرة القناي البدوي اللي مافي راسه علومً كبار !!
اعجبني ممشاها .. وحلاهاا .. ولونهاا .. وعظمها .
تعايبت عليها مطلع الرقبـه .. وكن فيها متن شوي . والاذن شينه .واللحي مافيه طفحه والراس عموماً حلو ولكن ماهوب المطلوب ابداً..
الباقي مااتضح لناا من الفديو ,
..
الصفراء :
مقبوله للقناي اللي ماله كبار هقاوي على ماقلنا !
راسها حليو ولونها زين باقيها ( صفر )
صدرها مرتخي . وسنامها متقدم . ولحيم وقصيره . وعرقوبها شين ورقبتها ماجازت .
..
وهذا لايمنع أن البكار مقبولات ,
لكن ودك أن البعير يجي وارد وانتاجه يجي كذلك ..
فكان عندك استطاعه تشري أفضل منه فلا تذخر ,
وأن كان ماعندك استطاعه نقول بعيرك ابرك من كثيرً من البعارين اللي نشوفها !

..

تقبّل مروري ,