مجموعة التكريم  تاريخ التسجيل: 12 / 02 / 2006 المشاركات: 602 معدل تقييم المستوى: 248 |  بيّاع الدر المخلووووف 0
تتحدّث عن نفسها 0 كل ماطرحتها لكم أختفت
ماب المطايا فيد عبّادة المال=اللي مع شيمها تبيع الحليبي
ولاباعه إلا هافي الصلب والخال=في سلمهم مافيه شي ٍ يعيبي
ناموسهم في جمعة القرش وريال=ولا لهم في الطيب حض ونصيبي
أبك اللبن رمز الكرم لأهل الأفعال=مكرمين الضيف عز القريبي
نطّاحة الواجب على كل الأحوال=في اليسر ولا في الزمان العصيبي
أدناهم اللي لجاير الحمل شيّال=في مرتع الناموس دايم ربيبي
البل لهم عشق ٍ على مر الأجيال=حامينها من حوف غزو ٍ حريبي
دم النحر من دونها في اللقا سال=من حبّها ماهاب حد ٍ عطيبي
لها بدار الخوف مرتع ومدهال=شمس السعد من جوّها ماتغيبي
في ظل شجعان ٍ شغاميم وأبطال=الكل منهم فيه رأي ٍ يصيبي
من حبّها يقنونها دق وجلال=والطعم لاشح الحيا له يجيبي
يرخص لها المخبا ويتعب لها الحال=عنده توازن في غلاها القريبي
لاشافها يلعب على كل موّال=ويطير نومه لافقد له ذهيبي
ولاشافته قامت ترازم وتجتال=لوهي تكلم سمع كلمة حبيبي
فيالله بنو ٍ من مناشيه همّال=تسعين ليل ووبل غيثه صبيبي
عليك يادار ٍ بها كل وبّال=وعليك يادار النخل والشريبي
ونشوف نبت القاع بألوان وأشكال=تشبع به دقاق المطايا وشيبي
وختامها صلوا على الرسل والآل=إعداد مايقنب على الضلع ذيبي
fd~hu hg]v hglog,,,,t 0 |