بيض الله وجهك يابوحمد الله لا يحرمنا شوف الرمله ورعيها وانا قلت لي ابيات ذا اليام اللي زلت وانا في دوره في مصر واشوف السحاب شرقينا فتمنيت الحيا على ذا الديار لانها تنبت في القيض ولايزعلون علي اهل الديار اللي مرتهم السحابه لان قسمهم بيجيهم عقب ايام الاجا الوسم عسى الله يعم به كل ديار المسلمين انه اكرم الاكرمين.
ياذاالسحاب اللي على مصر من شرق****روح وراك اقطع معك بحر جده
ومر الحجاز بدون رعدٍ ولا برق ****** ونجد المسمى دون قاصر تعده
ولاجيت دار للحيا برضها فرق ****** فمطر عليها بمر واليك مده
تلقا السبط والعندبه في قفا العرق**** واما النصي جادل هنوفٍ تكده
انزل ياتسعير العلف وللا قول ارق***** محدن بيمك والعرب وسط جده
طبعا المقصود بجده في البيت الاخير الرعي اللي شفناه في المقطع. |