منتـديـات مــزايـن - عرض مشاركة واحدة - العضو اللي عنده بعير منتج يدخل ولا عليه امر

11 / 09 / 2008, 20 : 11 AM

اقتباس:

المشاركة الأصلية كتبت بواسطة سالم المحميد

بسم الله الرحمن الرحيم

السلام عليكم ورحمة الله وبركاته ,,,,

أخوي العـزيز راشد الـعـرق بيض الله وجهكـ على الموضوع الجميل والمفيد وهذا علم طيب وسعد منهو عنده

فحـل منتج يكسب به العلم الطيب وأبو حمد ماهيب غريبه عليه ذالعلوم الطيبه لاهو ولا ألي هو منهم

وبالنسبه لركاب المنتجه أنا ماعندي بعير منتج غير عندي قعود طيب هاقين فيه هقوتن طيبه

أيجذع الزمان ذا وأقووول مرحبا مليون والله أنـي صادق من ناقه إلى مليون ناقه

مرحبا ومرحبا ومرحبا

ولا هوب لي من دون المسلمين كلهم والبعير من طويله مهوب لراعـيه من دون خلق الله هذا أجـر للمسلمين كلهم

وهاذي صور القعود فالشتاء ذألي زل وأخر صوره له فالقيض ذا

يمكن القعود مايصلح لكم ولا كن من ألي فالخاطـر ودي أعزمكم بس

ومكان البعير شرق الحساء 30 كيلوا ومرحبا

وسلالالالالامتكم

بيض الله وجهك ياسالم
والقعود كفو وان شاء الله ما يخيب الظن فيه
الشكل طيب والساس طيب
والله يبارك لك فيه ويرزقك منه الانتاج اللي يكثر الناس الزمان الجاي عليه