المشاركة الأصلية كتبت بواسطة أحمد الفلاح

يا جماعة الخير أنا من باب إعطاء صاحب الطيب حقه .. أرسلت لأخوي بدر رسالة على الخاص أبي أسأل وين محل الفحول فيه لأنها وحسب ما شفنا في الرابط بأنها فحول طيبه بالحيل ومنتجه عسى الله يبارك لهم فيها .
وقد أرسلت الرسالة بعد الظهر وبعد صلاة العصر مباشرة تلقيت أتصل من الأخ راشد ال زابن الدوسري بنفسه ورحب وقال أبرك الساعات ويزيد بركة الفحول إلى ضربت عندي أنت ومن يعز عليك ورغم بعد المسافة لأنه حلال الأخ راشد بالسليل إلا أنه قال أرسلها ولا لك إلا طيبة الخاطر .
وأنا هنا حبيت أعطي الرجال جزء من حقه علي وأن أخبركم بطيب الرجال ومعدنه ولا هي غريبة عليكم الطيبة والمرجلة والكرم يا الدواسر .
وأقول بيض الله وجهك أخوي راشد دنيا وآخره وجعلك ومن جابوك للجنة وعسى الله يبارك لك في عمرك وعيالك وحلالك اللهم آمين آمين آمين .

ولكم تقديري .. أبو عبدالرحمن