السلام عليكم ورحمة الله وبركاته
كل عام وانتم بخير وعاد عيدكم جميع يا الندواويه
ولا عندي إلا سلامتكم وتصحيح للموضوع
البكره يا الربع انا امس العصر عند راعيها رحت اعايده حال العرب في أعيادهم
البكره امها من ابل ثقل الدوسري رجال موجود في الكهفه ومعروف راعي ابل
وجبت علم ابوها والكلام عني انا انقله لكم بالحرف
ابو البكره موجود عنده وشفته والتقطت له بعض الصور البعير يميل للشقاح وانتاج طيب وزين ووسط
يقول في من بناته اللي بعناها على 50000 وبيعت 150000 وفيه اللي بيعت على 30000 وفيه اللي ب60000 ريال
لكن ابو البعير يقول انا شاريع قعود من الرياض ذاك الزمان والبعير طيب جدا وانتج عندي وبعير خيار ما فيه كلام وبناته
متحديات والبعير يقول بعته في الكويت ب 25000 دينار كويتي ذاك الزمان وانا ابعير واشتري الإبل ومعروف هذا كلام الشايب
ثقل الدوسري ابو محمد انا انقله لكم بالحرف ولا عندي الا سلامتكم
وبالنسبه للكلام ان ابوها بمليون وميتين فهو كلام غير صحيح كلام زايد وناقص وانتم عارفين اللي مايتأكد من العلم ياخذه كلام الناس
هذا هو الصحيح ولا فيه الا سلامة الجميع وكل عام وانتم بخير[ |